DEUTERONOMY 30:3 - Edisana ñwed Abasi Ibom

³ ndien Jehovah Abasi fo eyenam fi oto ke itie ufin fo afiak, onyuŋ atua fi mbɔm, onyuŋ ɔtɔŋɔ ntak ataŋ fi ke kpukpru mme idut eke Jehovah Abasi fo akasuande fi ekesin do.

DEUTERONOMY 30:3 ပူးပေါင်းရင်းမြစ်များ

GENESIS 28:15

Ndien, sese, ami ndu ye afo, nyenyuŋ ŋkpeme fi ke kpukpru ebiet eke afo edikade, nnyuŋ nda fi nnyɔŋ ke isɔŋ emi; koro mmendikpɔŋke fi, tutu nnam se ntiŋde nnɔ fi.

GENESIS 48:21

Ndien Israel ɔdɔhɔ Joseph, ete, Sese ami mmɔŋ ŋkpa; edi Abasi eyedu ye mbufo, eyenyuŋ ada mbufo afiak aka ke isɔŋ mme ete

1 CHRONICLES 16:35

Mbufo enyuŋ edɔhɔ, ete, Nyaŋa nnyin, O Abasi emi anyaŋade nnyin, nyuŋ sio nnyin ke mme idut, taŋ bon ɔtɔ kiet, man nnyin ikɔm edisana enyiŋ fo, inyuŋ ibure ke itoro fo.

NEHEMIAH 1:9

ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.

ŊWED JOB 42:10

Ndien Jehovah osio Job ke itie mbuot ekɔŋ afiak edi, ke ini enye anamde mkpe-ubɔk ɔnɔ mme ufan esie: Jehovah onyuŋ ɔtɔŋɔ ntak ɔnɔ Job kpukpru se enye ekenyenede utim ikaba.

ŊWED MME PSALM 107:3

onyuŋ ataŋ mmɔ ke mme idut, ke edem usiaha-utin ye ke edem usop, ye ke edere, ye ke inyaŋ, edi.

ŊWED MME PSALM 147:2

Edi Jehovah ɔdiɔŋ Jerusalem: enye ataŋ nditɔ Israel emi ebinde mmɔ efep, obon.

ISAIAH 27:12

Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

ISAIAH 54:7

Ŋkɔduɔk fi ini esisit; ndien nyetaŋ fi ke akwa mbɔm.

ISAIAH 56:8

Ɔbɔŋ Jehovah, emi obonde nditɔ Israel eke ekebinde efep, ete, Nyesuk mbon (owo efen) nnɔ enye, ŋkɔrɔ ye nditɔ esie emi ema ekebono.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 31:10

Mbufo mme idut ekop uyo Jehovah, ndien ekwɔrɔ enye ke mme-isuo eke eyomde usuŋ, enyuŋ edɔhɔ, ete, Enye emi akasuande Israel eyetaŋ mmɔ obon, onyuŋ ɔbɔk mmɔ nte ɔbɔk-erɔŋ ɔbɔkde ufene esie.

ŊWED ESEME 3:22

Ima Jehovah esin nnyin ikutak, koro mbom esie mikureke.

ŊWED ESEME 3:32

koro enye ama otuk owo, enye eyenyuŋ atua owo mbɔm nte ekemde ye ediwak ima esie.

EZEKIEL 11:17

Dɔhɔ, ndien, ete, Ntem ke Ɔbɔŋ Jehovah ɔdɔhɔ, ete, Nditreke nditaŋ mbufo ke otu mme idut, nnyuŋ nsioŋo mbufo ke mme obio emi mbufo esuanade ke otu mmɔ, mbon; nnyuŋ nnɔ mbufo isɔŋ Israel.

EZEKIEL 36:24

Nyenyuŋ mmen mbufo mfep ke mme idut, nnyuŋ ntaŋ mbufo ke kpukpru mme obio; ndien nda mbufo ndi ke isɔŋ mbufo

EZEKIEL 39:28

Ndien mmɔ eyefiɔk ete ke ami ndi Jehovah Abasi mmɔ, koro ŋkayakde etaŋ mmɔ efep enɔ mme idut: ndien mmataŋ mbon ke isɔŋ mmɔ, nnyuŋ ŋkpɔŋke aba owo mmɔ ndomo kiet do.

MICAH 7:19

Enye eyetɔŋɔ ntak atua nnyin mbɔm, eyedigi mme idiɔk ido nnyin; afo eyemen kpukpru mme ukwaŋ-ŋkpo mmɔ ɔduɔk ke udem inyaŋ.

ZECHARIAH 10:9

Ndien nyesuan mmɔ ke otu mme idut: ndien mmɔ eyetie ke nnyan idut eti mi; mmɔ eyenyuŋ edu uwem ye nditɔ mmɔ, enyuŋ efiak edem edi.

ŊWED MBON ROME 11:23

Onyuŋ edieke mmɔ miyireke unana mbuɔtidem mmɔ, eyeda mmɔ ŋko ebahare esin: koro Abasi emekeme nditɔŋɔ ntak nda mmɔ mbahare nsin.

ŊWED MBON ROME 11:26

ndien ke usuŋ emi ke eyenyaŋa ofuri Israel; kpa nte ewetde ete, Andinyaŋa eyeto ke Zion edi, Enye eyesio ukwaŋido efep ke Jacob:

ŊWED MBON ROME 11:31

kpa ntre ke mmɔ esɔŋ ibuot ke emi, kpaŋ mmɔ ŋko ekpekut mbɔm oto ke mbɔm eke etuade mbufo.

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.