DEUTERONOMY 30:20 - Edisana ñwed Abasi Ibom

²⁰ man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

DEUTERONOMY 30:20 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

ŊWED MME PSALM 27:1

JEHOVAH edi uŋwana mi, ye erinyaŋa mi; ndifehe anie?

ŊWED MME PSALM 30:5

Koro enye ayatde esit ke ekpri ini; uwem oto ke mfɔn-ido esie: eyet eyedaŋ ke mbubreyo, ndien idara edi ke usenubɔk.

ŊWED MME PSALM 36:9

Koro obube mmɔŋ uwem odude ye afo: nnyin iyekut uŋwana ke uŋwana fo.

ŊWED MME PSALM 37:3

Buɔt idem ye Jehovah, nyuŋ nam se ifɔnde; duŋ ke isɔŋ, nyuŋ dia akpanikɔ.

ŊWED MME PSALM 66:9

emi onimde ukpɔŋ nnyin ke uwem, ndien iyakke ukot nnyin esehere.

LEVITICUS 18:5

Mbufo enim ndien mme ewuhɔ mi ye item mi: emi owo eke edinamde mmɔ edidude uwem ke esit: ami ndi Jehovah.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

UTOM MME APOSTLE 17:25

owo inyuŋ idaha ubɔk inam ŋkpɔ inɔ Enye, nte emi Enye anande ŋkpɔ; koro edi Enye ɔnɔ kpukpru owo uwem, ye ibifik, ye kpukpru ŋkpɔ:

UTOM MME APOSTLE 17:28

Koro nnyin idodu ke Enye, inyuŋ isaŋa ke Enye inyuŋ inyene uwem nnyin ke Enye; kpa nte ndusuk ke otu mme etiŋ-uto mbufo edɔhɔde ete, Nnyin inyuŋ idi nditɔ Esie.

ŊWED MBON ROME 12:9

Eyak ima okusaŋa ke mbubik. Esua se idiɔkde; eyire se ifɔnde.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

DEUTERONOMY 11:22

Koro edieke mbufo edikpemede kpukpru mme ewuhɔ emi ami ŋwukde mbufo, enyuŋ enim mmɔ, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ eyire ye enye;

DEUTERONOMY 11:9

man mme usen mbufo enyuŋ ebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete inɔ mmɔ ye nditɔ mmɔ, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 12:10

Edi mbufo emɔŋ ebe Jordan, eka ndiduŋ ke isɔŋ emi Jehovah Abasi mbufo ɔnɔde mbufo ete enyene, enye eyenyuŋ anam mbufo ebɔhɔ kpukpru mme asua mbufo emi ekande ekuk, ɔnɔ mbufo nduɔk-odudu, mbufo eyenyuŋ eduŋ ke ifure;

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.

DEUTERONOMY 31:1

NDIEN Moses aka eketiŋ ikɔ emi ɔnɔ ofuri Israel.

DEUTERONOMY 32:47

Koro enye midige ŋkpɔ mbubru ye mbufo: koro edide uwem mbufo: ndien mbufo eda ŋkpɔ emi edinam mme usen mbufo ebigi ke isɔŋ emi mbufo ebede Jordan eka do ndida enye nnyene.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:4

Edi kpukpru mbufo emi ekeyirede ye Jehovah Abasi mbufo ededu uwem tutu osim mfin emi.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 4:6

Mbufo etiŋ enyin, ndien, enam: koro emi edide eti ibuot mbufo, ye asian mbufo, ke iso mme idut, emi edikopde kpukpru mme ewuhɔ emi, ndien mmɔ eyedɔhɔ ete, Ho, akamba idut emi edi mbon eti ibuot, onyuŋ edi asian.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

JOSHUA 23:11

Mbufo etim ekpeme idem mbufo, ndien, man mbufo ema Jehovah Abasi mbufo.

JOSHUA 23:8

ekunyuŋ enuhɔ enɔ mmɔ: edi mbufo eyire ye Jehovah Abasi mbufo, kpa nte ŋkanamde tutu osim mfin emi;

ERIYARARE 21:6

Enye ɔdɔhɔ mi ŋko ete, Kpukpru ŋkpɔ ema esu ema. Ami ndi Alpha ye Omega, ntɔŋɔ ye utit. Owo eke okopde nsat-itɔŋ, Ami nyekoi mmɔŋ ke idim mmɔŋ uwem nnɔ enye ɔŋwɔŋ ke ikpikpu.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.