DEUTERONOMY 30:19 - Edisana ñwed Abasi Ibom

¹⁹ Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem:

DEUTERONOMY 30:19 ပူးပေါင်းရင်းမြစ်များ

GENESIS 2:17

Edi ama edi eto ifiɔk, eti ye idiɔk, kudia ke esit: koro ke usen eke afo adiade ke esit afo eyekpa mkpa.

ŊWED MME PSALM 119:111

Mmada uyo fo nnyene ke nsinsi: koro mmɔ edide idaresit mi.

ŊWED MME PSALM 119:173

Yak ubɔk fo edi ediŋwam mi; koro mmemek mme item fo.

ŊWED MME PSALM 119:30

Mmemek usuŋ akpanikɔ: mmonim mme ikpe fo ke iso mi.

MME ŊKE 1:29

Koro mmɔ ekesuade ifiɔk, minyuŋ imekke nditiene Jehovah:

MME ŊKE 12:28

Uwem odu ke usuŋ edinen ido: ndien mkpa iduhe baba ke ɔkpɔ-usuŋ:

MME ŊKE 8:36

Edi owo eke eduede mi abiat ukpɔŋ esiemɔ: kpukpru mmɔ eke esuade mi, ema mkpa.

MME ŊKE 9:11

Koro oto mi usen fo eyewak, eyenyuŋ edian isua uwem enɔ fi.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 56:4

Koro ntem ke Jehovah ɔdɔhɔ mme eunuch eke edikpemede sabbath mi, edinyuŋ emekde se inemde mi esit, enyuŋ emumde ediomi mi ekama; ete,

JEREMIAH 21:8

Ndien dɔhɔ mbio-obio emi, ete, Ntem ke Jehovah ɔdɔhɔ, ete, Sese, ami mmɔŋ nnim usuŋ uwem ye usuŋ mkpa ke iso mbufo.

JEREMIAH 32:39

nyenyuŋ nnɔ mmɔ esit kiet ye usuŋ kiet, man ebak mi kpukpru ini, man ɔfɔn ye mmɔ ye nditɔ mmɔ emi editienede mmɔ ke edem.

JEREMIAH 42:21

Ndien mmasian mbufo mfin emi; ndien mbufo ikopke uyo Jehovah Abasi mbufo, inyuŋ ikopke baba ŋkpɔ kiet eke enye ɔkɔdɔŋde mi utom ke ɔtɔ mbufo abaŋa.

EZEKIEL 20:11

Nnyuŋ nnɔ mmɔ mme ewuhɔ mi; nnyuŋ ŋwut mmɔ mme item mi, emi owo ama anam mmɔ, owo eyedu uwem ke esit.

LUKE 10:42

ŋkpɔ kiet edi se nyomde; koro Mary ememek eti udeme, eke midibɔhɔ enye ifep.

UTOM MME APOSTLE 2:39

Koro uŋwɔŋɔ oro enyene mbufo ye nditɔ mbufo ye kpukpru mmɔ emi edude nsan-nsan, adaŋa owo nte Jehovah Abasi nnyin edikotde etiene Enye.

DEUTERONOMY 11:26

Sese mfin emi mmada ufɔn ye isuŋi nnim mbufo ke iso;

DEUTERONOMY 30:1

NDIEN ama ekem, ke adaŋemi kpukpru ŋkpɔ emi etienede fi, kpa eridiɔŋ ye isuŋi, emi nnimde ke iso fo, afo onyuŋ ekerede mmɔ ke esit fo, ke otu kpukpru mme idut eke Jehovah Abasi fo ebinde fi ekesin do,

DEUTERONOMY 30:15

Sese, mmada uwem, ye nti ŋkpɔ, ye mkpa, ye idiɔk, nnim fi ke iso mfin emi;

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin:

DEUTERONOMY 31:28

Mbufo ebon kpukpru mbiowo mme esien mbufo, ye mme andidaha owo mbufo, enɔ mi, ndien nyetiŋ ikɔ emi nsin mmɔ ke utɔŋ, nnyuŋ ŋwuk enyɔŋ ye isɔŋ nte edi ntiense ye mmɔ.

DEUTERONOMY 32:1

MBUFO mme enyɔŋ ekpaŋ utɔŋ, ndien nyedɔhɔ; O isɔŋ, nyuŋ kop ikɔ inua mi.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:25

Ke adaŋemi afo edibonde nditɔ ye nditɔ nditɔ, mbufo enyuŋ ebigide ke isɔŋ oro, enyuŋ ekabarede ediɔk, enyuŋ esɔi ŋkpɔ esin ke mbiet ŋkpɔ ekededi, enyuŋ enam idiɔk ido ke iso Jehovah Abasi fo, enyuŋ eyat enye esit:

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

DEUTERONOMY 4:6

Mbufo etiŋ enyin, ndien, enam: koro emi edide eti ibuot mbufo, ye asian mbufo, ke iso mme idut, emi edikopde kpukpru mme ewuhɔ emi, ndien mmɔ eyedɔhɔ ete, Ho, akamba idut emi edi mbon eti ibuot, onyuŋ edi asian.

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.