DEUTERONOMY 30:1 - Edisana ñwed Abasi Ibom

¹ NDIEN ama ekem, ke adaŋemi kpukpru ŋkpɔ emi etienede fi, kpa eridiɔŋ ye isuŋi, emi nnimde ke iso fo, afo onyuŋ ekerede mmɔ ke esit fo, ke otu kpukpru mme idut eke Jehovah Abasi fo ebinde fi ekesin do,

DEUTERONOMY 30:1 ပူးပေါင်းရင်းမြစ်များ

GENESIS 4:14

Sese afo ke ebin mi ke idut emi efep mfin emi; nyenyuŋ ndibe fi ke iso; nnyuŋ ndi nyoŋ ye andiyo ke isɔŋ; ndien ama ekem, kpukpru owo eke ekutde mi eyewot mi.

1 NDIDEM 8:34

afo tie ndien ke enyɔŋ kop, nyuŋ dahado ke idiɔk-ŋkpɔ ikɔt fo Israel, nyuŋ da mmɔ fiak ke isɔŋ emi afo ɔkɔnɔde mme ete mmɔ.

2 CHRONICLES 30:9

Koro edieke mbufo efiakde edem etiene Jehovah, nditɔ-ete mbufo, ye nditɔ mbufo eyekut mbɔm ke iso mmɔ eke eketaŋde mmɔ efep, enyuŋ efiak ke edem emi: koro Jehovah Abasi mbufo enyenede esit mfɔn ye mbɔm, midinyuŋ ikabakere iso esie ikpɔŋ mbufo, ke mbufo efiakde etiene enye.

NEHEMIAH 1:9

ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.

ISAIAH 46:8

Mbufo eti ŋkpɔ emi, enyuŋ enam ido nte owo: mbufo mme ɔsɔŋ ibuot enim enye ke esit.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 8:3

Ndien kpukpru mmɔ efen eke edisuhɔde ke idiɔk ubon emi, eyemek mkpa ekan uwem ke kpukpru ebiet eke ndibinde mmɔ eke esuhɔde nsin do: uyo Jehovah mme udim edi emi.

EZEKIEL 18:28

Koro enye abakde, onyuŋ ɔkpɔŋde kpukpru mme idiɔk ido esie eke enye akanamde, afiak, enye iditreke ndidu uwem, idikpaha.

EZEKIEL 6:9

Ndien mmɔ eke ebɔhɔde ke otu mbufo eyeti mi ke otu mme idut eke editaŋde mmɔ efep eka do: koro ami nyenuak mmɔ esit use, emi ɔwɔŋɔrede ɔkpɔŋ mi, nyenuak enyin mmɔ emi esede use ebine mme ibɔk mmɔ: ndien mmɔ eyese idem mmɔ ke ndek ebaŋa mme idiɔk ido emi mmɔ enamde ke kpukpru mbubiam mmɔ.

ZECHARIAH 10:9

Ndien nyesuan mmɔ ke otu mme idut: ndien mmɔ eyetie ke nnyan idut eti mi; mmɔ eyenyuŋ edu uwem ye nditɔ mmɔ, enyuŋ efiak edem edi.

LUKE 15:17

Edi ke ini enyin aŋwaŋade enye, enye okut idem sie, ete, Sese, adaŋa ediwak mbio-utom ete mi enyene udia eke awakde akan mmɔ ndidia edi se mi mi, mmɔŋ ndikpa ye biɔŋ.

DEUTERONOMY 28:28

Jehovah eyeda idat, ye nnan, ye nyomo-nsia amiŋa fi:

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

DEUTERONOMY 29:27

ndien Jehovah obumere iyaresit ye isɔŋ emi, onyuŋ esin kpukpru mme idiɔk-ŋkpɔ emi ewetde ke ŋwed emi etiene enye;

DEUTERONOMY 29:28

ndien Jehovah ada iyaresit, ye ifiopest, ye akamba ikpahesit, edibere mmɔ, ke isɔŋ mmɔ efep, emen mmɔ ɔduɔk ke isɔŋ efen, kpa nte edide mfin emi.

DEUTERONOMY 30:15

Sese, mmada uwem, ye nti ŋkpɔ, ye mkpa, ye idiɔk, nnim fi ke iso mfin emi;

DEUTERONOMY 30:19

Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem:

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.