nyuŋ kpeme mme ewuhɔ Jehovah Abasi fo, nyuŋ saŋa ke usuŋ esie, nyuŋ kpeme mme ewuhɔ esie, ye mbet esie, ye mme item esie, ye ikɔ ntiense esie, kpa nte emi ewetde ke ŋwed ewuhɔ Moses, man afo ada ɔniɔŋ anam kpukpru se afo anamde, ke kpukpru ebiet eke afo akabarede aka;
Ye ke kpukpru se enye ɔtɔŋɔde ndinam ke utom ufɔk Abasi, ye ke mme ewuhɔ, ye ke mbet, ke eritiene Abasi esie, enye anam ke ofuri esit esie, onyuŋ okut unen.
MME mmɔ emi edi ikɔ ediomi Jehovah Abasi ɔkɔdɔhɔde Moses, ete, enye anam ye nditɔ Israel ke isɔŋ Moab, ɔkɔrɔ ye ediomi emi enye akanamde ye mmɔ ke Horeb.
Mbufo etiŋ enyin, ndien, enam: koro emi edide eti ibuot mbufo, ye asian mbufo, ke iso mme idut, emi edikopde kpukpru mme ewuhɔ emi, ndien mmɔ eyedɔhɔ ete, Ho, akamba idut emi edi mbon eti ibuot, onyuŋ edi asian.
Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,
EDIKEM Joshua obon kpukpru esien nditɔ Israel ke Shechem, onyuŋ okot mbiowo Israel, ye ikpɔ owo mmɔ, ye mme ekpe-ikpe mmɔ, ye mme andidaha mmɔ edi; ndien mmɔ edida ke iso Abasi.
Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.