DEUTERONOMY 29:1 - Edisana ñwed Abasi Ibom

¹ MME mmɔ emi edi ikɔ ediomi Jehovah Abasi ɔkɔdɔhɔde Moses, ete, enye anam ye nditɔ Israel ke isɔŋ Moab, ɔkɔrɔ ye ediomi emi enye akanamde ye mmɔ ke Horeb.

DEUTERONOMY 29:1 ပူးပေါင်းရင်းမြစ်များ

2 NDIDEM 23:3

Ndien edidem ada adiana adaha, onyuŋ anam ediomi ke iso Jehovah, ete iyetiene Jehovah, inyuŋ inim ibet esie, ye item esie, ye mme ewuhɔ esie, ke ofuri esit, ye ke ofuri ukpɔŋ, inyuŋ inam ikɔ ediomi emi ekewetde ke ŋwed emi. Ndien kpukpru owo eda ke ediomi.

ŊWED MME PSALM 105:27

Mmɔ enim ikpɔ mme idiɔŋɔ esie ke otu mmɔ, ye ŋkpɔ ndyɔ ke isɔŋ ham.

JEREMIAH 11:2

Mbufo ekop ikɔ ediomi emi, enyuŋ etiŋ enɔ nditɔ Judah ye mme andiduŋ Jerusalem;

JEREMIAH 11:6

Ndien Jehovah ɔdɔhɔ mi, ete, Taŋa kpukpru ikɔ emi ke mme obio Judah, ye ke mme efak Jerusalem, ete, Mbufo ekop ikɔ ediomi emi, enyuŋ enam mmɔ.

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

JEREMIAH 34:18

Ndien mmɔŋ nda mmɔ eke ebiatde ediomi mi, eke minimke ikɔ ediomi emi mmɔ ekediomide ke iso mi, enaŋ oro mmɔ ekesiakde ke mbak iba, ndien esaŋa ke ufɔk esie ebe, kpa mbɔŋ Judah,

LEVITICUS 26:46

Mme mmɔ emi edi mme ewuhɔ ye mme item, ye mbet, emi Jehovah okonimde ke ufɔt idem esie ye nditɔ Israel, ke obot Sinai, ke ubɔk Moses.

LEVITICUS 27:34

Mme mmɔ emi edi mme ewuhɔ emi Jehovah okowukde Moses, ɔnɔ nditɔ Israel ke obot Sinai.

UTOM MME APOSTLE 3:25

Mbufo edi nditɔ mme prophet ye nditɔ ediomi oro Abasi okodukde ye mme ete mbufo, ke adaŋemi Enye ɔdɔhɔde Abraham ete, Ndien oto ke ubon fo kpukpru oruk owo ke ererimbot eyekut ufɔn.

DEUTERONOMY 1:1

MME ikɔ emi ke Moses ɔkɔdɔhɔ ye ofuri Israel ke edem Jordan oko ke wilderness, ke itihere emi asakde iso ese Suph, ke ufɔt Paran, ye Tophel, ye Laban, ye Hazeroth, ye Dizahab.

DEUTERONOMY 28:68

Ndien Jehovah eyenam fi afiak ke Egypt ke ubom mbakara ke usuŋ emi ŋkɔdɔhɔde fi mbaŋa, nte, Ke udukwe aba enye: ndien do ke edinyam mbufo enɔ mme asua mbufo ke ifin iren ye ifin iban, ndien owo eke edepde ididuhe.

DEUTERONOMY 29:12

man afo oduk ediomi Jehovah Abasi fo, ye uŋwɔŋɔ esie, emi Jehovah Abasi fo anamde ye afo mfin emi:

DEUTERONOMY 29:2

Ndien Moses okot ofuri Israel edi, onyuŋ ɔdɔhɔ mmɔ, ete, Mbufo ekekut kpukpru se Jehovah akanamde Pharaoh, ye kpukpru ikɔt esie, ye ofuri isɔŋ esie, ke iso mbufo ke isɔŋ Egypt;

DEUTERONOMY 29:21

Jehovah eyenyuŋ adianare enye efep ke kpukpru esien Israel ɔnɔ idiɔk, nte kpukpru isuŋi ediomi emi ewetde ke ŋwed mbet emi esaŋade:

DEUTERONOMY 29:25

Ndien mmɔ eyedɔhɔ ete, Koro mmɔ ekekpɔŋde ediomi Jehovah Abasi mme ete mmɔ, emi enye akanamde ye mmɔ ke ini enye okosiode mmɔ ke isɔŋ Egypt efep:

DEUTERONOMY 4:10

usen oro afo akadade ke iso Jehovah Abasi fo ke Horeb, ke ini Jehovah ɔkɔdɔhɔde mi, ete, Bon mbio emi ɔtɔ kiet nɔ mi, ndien nyenam mmɔ ekop ikɔ mi, man mmɔ ekpep ndibak mi ofuri ini emi mmɔ edidude uwem ke isɔŋ oro, man mmɔ enyuŋ ekpep nditɔ mmɔ.

DEUTERONOMY 4:13

Ndien enye asiak ediomi esie ɔnɔ mbufo, emi enye etemede mbufo ete enam, kpa ikɔ mboduop oro: enye onyuŋ ewet mmɔ esin ke itiat ŋwed iba.

DEUTERONOMY 4:23

Mbufo ekpeme idem, mbak edifre ediomi Jehovah Abasi mbufo, emi enye okodiomide ye mbufo, ndien eka ekenam edisɔi mbiet ŋkpɔ ekededi ke idem mbufo, emi Jehovah Abasi fo akpande fi.

MME HEBREW 8:9

Idibietke ediomi oro ŋkodiomide ye mme ete mmɔ Ke usen oro ŋkomumde mmɔ ke ubɔk nda mmɔ ŋwɔrɔ ke isɔŋ Egypt; Koro mmɔ inyimeke ndisɔŋɔ nda ke ediomi Mi, Ndien Ami nsana mmɔ nyak; edi Jehovah ɔdɔhɔ.

1 SAMUEL 12:24

edi mbufo ebak Jehovah, enyuŋ enam ŋkpɔ esie ke akpanikɔ ke ofuri esit mbufo: koro mbufo ese oruk ikpɔ ŋkpɔ emi enye akamde ye mbufo.