DEUTERONOMY 28:9 - Edisana ñwed Abasi Ibom

⁹ Jehovah eyenim fi ke edisana ikɔt esiemɔ, kpa nte enye ɔkɔŋwɔŋɔde ɔnɔ fi, edieke afo edinimde mbet Jehovah, kpa nte enye ɔkɔŋwɔŋɔde ɔnɔ fi, edieke afo onyuŋ asaŋade ke usuŋ esie.

DEUTERONOMY 28:9 ပူးပေါင်းရင်းမြစ်များ

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

ŊWED MME PSALM 87:5

Eyenyuŋ edɔhɔ ebaŋa Zion, ete ke owo emi ye owo oro ekemana ke esit. Ndien enye Ata Edikoŋ eyesɔŋ onim enye.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

ISAIAH 1:26

nnyuŋ nnam mme ebierikpe fo efiak kpa nte ke akpa, ye mbon item fo, kpa nte ke eritɔŋɔ: ndien ke ŋkpɔ emi ebede, eyekot fi, ete, Obio eti ido, obio akpanikɔ.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

JEREMIAH 11:5

man nnim uŋwɔŋɔ oro ŋkɔŋwɔŋɔde nnɔ mme ete mbufo, nte ke ndinɔ mmɔ isɔŋ emi ɔfiɔrɔde mmɔŋ-eba ye aran-ɔkwɔk, kpa nte edide mfin emi. Ndien ami mbɔrɔ, nte, Amen, O Jehovah.

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

DEUTERONOMY 7:8

edi koro Jehovah amade mbufo, onyuŋ etiŋde enyin ke uŋwɔŋɔ emi enye ɔkɔŋwɔŋɔde ɔnɔ mme ete mbufo, esin Jehovah akada ɔkpɔsɔŋ ubɔk osioŋo mbufo efep, onyuŋ afak mbufo osio ke ubɔk ufin, ye ke ubɔk Pharaoh edidem Egypt.

2 ŊWED THESSALONICA 3:3

Edi Ɔbɔŋ anam akpanikɔ; Enye eyenam mbufo esɔŋɔ eda, eyenyuŋ ekpeme mbufo mbak andidiɔk.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.