DEUTERONOMY 28:68 - Edisana ñwed Abasi Ibom

⁶⁸ Ndien Jehovah eyenam fi afiak ke Egypt ke ubom mbakara ke usuŋ emi ŋkɔdɔhɔde fi mbaŋa, nte, Ke udukwe aba enye: ndien do ke edinyam mbufo enɔ mme asua mbufo ke ifin iren ye ifin iban, ndien owo eke edepde ididuhe.

DEUTERONOMY 28:68 ပူးပေါင်းရင်းမြစ်များ

NEHEMIAH 5:8

Nnyuŋ ndɔhɔ mmɔ, nte, Nnyin ima ida ukeme nnyin ifak nditɔ-ete nnyin mme Jew, emi ekenyamde enɔ mme idut; nte mbufo emɔŋ edinyam ndien nditɔ-ete mbufo? Nte edinyuŋ enyama enɔ nnyin?

ESTHER 7:4

Koro nnyin imenyama, ami ye oruk mi, ete esobo nnyin, enyuŋ ewot, enyuŋ ebiat; ndien ekpedi nte ekenyamde nnyin ke ifin iren, ye ke ifin iban, ŋkposioroke uyo: koro asua mikemeke ndinɔ edidem usiene nte ekemde ke se ibiarade.

EXODUS 13:17

Ekem adaŋemi Pharaoh akayakde mbio oro eka, Abasi idaha mmɔ usuŋ edem mme Philistine, okposuk edieke enye ekperede; koro Abasi ɔdɔhɔde, ete, Mbak mmɔ editua mkpɔfiɔk adaŋemi edikutde ekɔŋ, ndien efiak ke Egypt.

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

JEREMIAH 43:7

Ndien mmɔ eka ke isɔŋ Egypt: koro mmɔ minyimeke ndikop uyo Jehovah: ndien mmɔ eka ke Tahpanhes.

JEREMIAH 44:12

nyenyuŋ nda Judah emi esuhɔde, emi ewukde iso mmɔ, ete ika isɔŋ Egypt ikoduŋ do, ndien kpukpru mmɔ eyesobo; ke isɔŋ Egypt ke mmɔ ediduɔŋɔ; eyesobo mmɔ ke ofut ye ke biɔŋ; ŋkpri ye ikpɔ eyekpaŋa ke ofut ye ke biɔŋ; enyuŋ ekabare edi ŋkpɔ isuŋi ye nsobo ye itɔk ye esuene.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 9:3

Mmɔ ididuŋke ke isɔŋ Jehovah; edi Ephraim eyefiak ke Egypt, enyuŋ eta mbubiam ŋkpɔ ke Assyria.

LUKE 12:45

Edi edieke asaŋutom oro edidɔhɔde ke esit esie ete, Ete-ufɔk mi ebigi eridi, edinyuŋ ɔtɔŋɔde ndimia ifin iren ye ifin iban eken, ndinyuŋ ndia ŋkpɔ, nnyuŋ ŋŋwɔŋ mmin nyuhɔ;

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

DEUTERONOMY 17:16

Edi yak enye okukɔ ediwak horse ke idem esie, okunyuŋ anam mbon emi afiak eka ke Egypt, man ekɔ ediwak horse: koro Jehovah ɔkɔdɔhɔde mbufo, ete, Mbufo ekufiak aba usuŋ oro.

DEUTERONOMY 28:67

afo eyedɔhɔ ke usenubɔk, ete, Akpakam edi mbubreyo; eyenyuŋ ɔdɔhɔ ke mbubreyo, ete, Akpakam edi usenubɔk, oto ke esit ndutime eke editimerede fi, onyuŋ abaŋa se enyin fo edikutde.

DEUTERONOMY 29:1

MME mmɔ emi edi ikɔ ediomi Jehovah Abasi ɔkɔdɔhɔde Moses, ete, enye anam ye nditɔ Israel ke isɔŋ Moab, ɔkɔrɔ ye ediomi emi enye akanamde ye mmɔ ke Horeb.