DEUTERONOMY 28:54 - Edisana ñwed Abasi Ibom

⁵⁴ ndien owo mmemido ye ndiin ke otu fo eyeda idiɔk enyin ese eyen-eka esie, ye ŋwan ikpanesit esie, ye nditɔ esie eŋwen eke enye edisuhɔde:

DEUTERONOMY 28:54 ပူးပေါင်းရင်းမြစ်များ

2 SAMUEL 12:3

edi ubuene oro inyeneke baba kiet, ke mibɔhɔke ekpri uman eyen-erɔŋ kierakiet, emi enye ekedepde onyuŋ ɔbɔkde; enye onyuŋ ɔkɔri enye ke ubɔk, ɔtɔ kiet ye nditɔ esie; adia ekpri udia esie; onyuŋ ɔŋwɔŋ ke cup esie, onyuŋ ana enye ke ikpanesit, ndien etie ye enye nte eyen aŋwan.

ŊWED MME PSALM 103:13

Kpa nte ete atuade nditɔ esie mbɔm, ntre ke Jehovah atua mmɔ eke ebakde enye mbɔm.

MME ŊKE 23:6

Kudia ŋkpɔ owo idiɔk enyin, kunyuŋ uma edinem udia esie:

MME ŊKE 28:22

Owo idiɔk enyin ɔkɔ wowo inyene: inyuŋ ifiɔkke ite ke unana edisim imɔ.

ISAIAH 49:15

Nte ŋwan ekeme ndifre eyen-nsek esiemɔ, nnyuŋ ntre nditua eyen emi enye amande mbɔm? Idem mmɔ ekeme ndifre, edi ami ndifreke fi.

MICAH 7:5

Mbufo ekunim uyo nsaŋa ke akpanikɔ, ekubuɔt idem ye ata ufan: kpeme usuŋ inua fo bak ŋwan emi anade fi ke ikpanesit.

MATTHEW 11:8

Edi ekɔwɔŋɔ eka ndise nso? ndi owo eke esinede eti ɔfɔŋidem? Sese, mme esine eti ɔfɔŋidem edu ke ufɔk mbɔŋ.

MATTHEW 20:15

Nte inenke ami ndida se inyenede mi nnam nte mmade? me nte enyin fo ɔdiɔk, koro ami mfɔnde ido?

DEUTERONOMY 13:6

Ke adaŋemi eyen-uka, mme eyen-eren fo, mme eyen fo aŋwan, mme ŋwan ikpanesit fo, mme ufan fo emi etiede nte ukpɔŋ fo, edinukde fi ke ndibe-ndibe, ete, Yak nnyin ika ikanam ido mme abasi efen, eke afo, ye mme usɔ mikɔfiɔkke;

DEUTERONOMY 15:9

Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.

DEUTERONOMY 28:53

Ndien afo eyeda mfri idibi fo, kpa unam nditɔ-iren fo ye eke nditɔ-iban fo, eke Jehovah Abasi fo ɔnɔde fi, ata ke ukuk obio, ye ke mbaba eke mme asua fo edisinde fi:

DEUTERONOMY 28:55

ndien enye idinɔŋɔ owo mmɔ baba kiet unam nditɔ esie eke enye editade: koro baba ŋkpɔ kiet midisuhɔke inɔ enye ke ukuk obio, ye ke mbaba eke mme asua fo edisinde fi, ke kpukpru obio fo.