DEUTERONOMY 28:51 - Edisana ñwed Abasi Ibom

⁵¹ ndien enye eyedia mfri ufene fo, ye mfri iŋwaŋ fo, tutu afo abiara: idut eke midikpɔŋke baba ibokpot, ye obufa wine, ye aran, ye nditɔ enaŋ fo, ye nditɔ ŋkpri ufene fo, tutu enye osobo fi ama.

DEUTERONOMY 28:51 ပူးပေါင်းရင်းမြစ်များ

2 NDIDEM 25:10

Ndien ofuri udim-ekɔŋ mme Chaldean emi edude ye etubom mbon-ukpeme ewuri ibibene Jerusalem ekan ekuk.

ISAIAH 1:7

Esobo isɔŋ mbufo, mme obio mbufo eta ikaŋ; ama edi obot iŋwaŋ mbufo, isen owo ke edia enye ke iso mbufo, enyuŋ esobo enye nte ŋkpɔ eke isen owo ebiatde.

ISAIAH 62:8

Jehovah omotomo ubɔk nnasia esie, ye ubɔk odudu esie, ete, Ndidaha aba ibokpot fo nnɔ mme asua fo eta; nditɔ mme idut idinyuŋ iŋwɔŋke obufa wine fo, emi afo anamde utom ke esit

JEREMIAH 15:13

Nyeda inyene fo ye ŋkpɔ-uto fo, nnɔ ke ŋkpɔ mbume, nnɔŋɔ ke ekɔm-urua, edi mbaŋa kpukpru mme idiɔk ido fo, ye ke esit ofuri adaŋa fo.

JEREMIAH 17:3

O akwa obot mi ke iŋwaŋ, nyeda inyene fo ye kpukpru ŋkpɔ-uto fo nnɔ ke ŋkpɔ mbume, ŋkokoŋo ebiet fo eyedu ke idiɔk ŋkpɔ ke ofuri adaŋa fo.

ŊWED ESEME 4:9

Ɔfɔn ye mmɔ eke ofut owotde, akan mmɔ eke akaŋ owotde: koro mmɔ oro eyemerede, enyuŋ etie nte ekekim mmɔ, koro mbuŋwum iŋwaŋ miduhe.

EZEKIEL 12:19

nyuŋ dɔhɔ mbio edem emi, ete, Ntem ke Ɔbɔŋ Jehovah ɔdɔhɔ mme andiduŋ Jerusalem, ye eke isɔŋ Israel, ete, Mmɔ eyeta uyo mmɔ ke ndik, enyuŋ eŋwɔŋ mmɔŋ mmɔ ke mkpa-idem, man ebɔ enye isɔŋ uyuhɔ esie ebiat, ebaŋa afai kpukpru mmɔ emi eduŋde ke esit.

EZEKIEL 25:4

mmɔdo, sese, ami nyeda fi nnɔ nditɔ edem usiaha-utin, nte eda enyene, ndien mmɔ eyebɔp ebiet ufene mmɔ ke ufɔt fo, enyuŋ enim ebiet iduŋ mmɔ ke ufɔt fo: mmɔ eyedia mfri fo, eyenyuŋ eŋwɔŋ mmɔŋ eba fo.

LEVITICUS 26:26

Ke adaŋemi ami mbuŋde esaŋ uyo nnɔ mbufo, iban duop eyesaŋ uyo mbufo ke usaŋ-uyo kiet, enyuŋ edomo uyo enɔ mbufo: ndien mbufo eyeta, edi idiyuhɔke.

DEUTERONOMY 28:33

Idut eke afo mufiɔkke eyedia mfri iŋwaŋ fo, ye ofuri utom fo; ndien afo eyesuk edi se efikde, enyuŋ etukde, kpukpru usen.

DEUTERONOMY 28:50

aŋwai-enyin idut eke miditeŋeke mbiowo enyin, midinyuŋ ituaha nditɔwɔŋ mbɔm:

DEUTERONOMY 28:52

Ndien enye eyekan fi okuk ke kpukpru obio fo, tutu ŋkokoŋo ye mkpɔsɔŋ ibibene fo, emi afo ɔbuɔtde idem fo ke esit, eduɔŋɔ ke ofuri isɔŋ fo: ndien enye eyekan fi okuk ke kpukpru obio fo, ke ofuri isɔŋ fo emi Jehovah Abasi fo ɔnɔde fi.