DEUTERONOMY 28:32 - Edisana ñwed Abasi Ibom

³² Eyeda nditɔ-iren fo ye nditɔ-iban fo ɔnɔ idut efen, ndien afo eyedori mmɔ enyin fo ese, ofuri usen tutu akak: ndien ididuhe ke odudu ubɔk fo.

DEUTERONOMY 28:32 ပူးပေါင်းရင်းမြစ်များ

2 CHRONICLES 29:9

Ndien, sese, mme ete nnyin emeduɔŋɔ ke ofut, mmɔ enyuŋ etaŋ nditɔ-iren nnyin, ye nditɔ-iban nnyin, ye iban nnyin, efep, ebaŋa ŋkpɔ emi.

ŊWED JOB 11:20

Edi enyin mme idiɔk owo eyeyemere, ubɔhɔ eyetaha ɔnɔ mmɔ, ndien idorenyin mmɔ etie nte eriduɔk uwem.

ŊWED JOB 17:5

Owo ayak mme ufan esie ɔnɔ ŋwo; ndien enyin eyekim nditɔ esie.

ŊWED JOB 31:8

Yak ami ntɔ, ndien owo eŋwen adia, yak enyuŋ edibere nditɔ mi.

ŊWED MME PSALM 119:123

Enyin ekim mi ke eriyo erinyaŋa fo, ye ikɔ edinen ido fo.

ŊWED MME PSALM 119:82

Enyin akpa mi ke eriyom ikɔ fo, ete, ini ewe ke afo edidɔŋ mi esit?

ŊWED MME PSALM 69:3

Eseme mi esin mi ŋkpa mba: itɔŋ amasat mi: enyin okim mi ke ini mbetde Abasi mi.

ISAIAH 38:14

Kpa nte akaraŋ Abasi ye akpantana, kpa ntre ke nsioro uyo; nseme nte ibiom: enyin okim mi ke erise enyɔŋ: O Jehovah, ntie ke nnanenyin, tie ubiɔŋ nɔ mi.

ŊWED ESEME 1:18

Jehovah emenen: koro ami nnenide uyo esie: mbɔk mbufo kpukpru mme idut ekop, enyuŋ ese ndutuhɔ mi: nditɔ iban mi ye mkparawa mi emeka ke otu mbuot-ekɔŋ.

ŊWED ESEME 2:11

Mmɔŋeyet ekwehe mi enyin, nsia oyomo mi, esit mi ɔduɔhɔ ke isɔŋ abaŋa ŋwure adiaha oruk mi; koro eyenɔwɔŋ ye eyen nsek ɔduɔde mba ke aŋwan obio.

ŊWED ESEME 4:17

Ke ini nnyin isuk idedu, enyin okim nnyin, ke nnyin isede mmɔ eke ekpeŋwamde nnyin, ikpikpu; ŋnyin ikekpeme ke itie ukpeme, ise idut eke mikemeke ndinyaŋa nnyin.

ŊWED ESEME 5:17

Emi esin esit ɔduɔ nnyin; ŋkpɔ emi esin enyin okim nnyin.

EZEKIEL 24:25

Ndien afo, eyen owo, nte idisuhe ke usen emi mbɔde mmɔ odudu mmɔ, uyai mmɔ emi enemde mmɔ esit, ye se enyin mmɔ emade, ye se idɔŋde mmɔ esit, nditɔ-iren mmɔ ye nditɔ mmɔ iban?

JOEL 3:6

Mbufo ekenyuŋ enyam nditɔ Judah ye nditɔ Jerusalem enɔ nditɔ Greece, man emen mmɔ ke adaŋa mmɔ efep, enim anyan ebiet.

AMOS 5:27

Ndien nyetaŋ mbufo mfep nnim ke edem Damascus oko; Jehovah, emi enyiŋ esie edide Abasi mme udim, ɔdɔhɔ ntre.

MICAH 2:1

ƆDƆDIƆK ɔnɔ mmɔ emi ekerede idiɔk ido, enyuŋ enade ke bed mmɔ eduak ukwaŋ-ŋkpɔ! Mmɔ eyenam enye ke uŋwana usenubɔk, koro odude ke ukeme ubɔk mmɔ.

MICAH 4:10

Kop ubiak, nyuŋ man eyen, O adiaha Zion, kpa nte ŋwan uman: koro afo eyeto ke obio ɔwɔrɔ ke idahemi, eyenyuŋ oduŋ ke iŋwaŋ, onyuŋ osim Babylon: eyenyaŋa fi do: do ke Jehovah edifak fi osio mme asua fo ke ubɔk.

NUMBERS 21:29

Osuk ɔdɔdiɔk ɔnɔ fi, Moab! mbio Chemosh mbufo emetak. Enye ama ada nditɔ-eren esie ye nditɔ esie iban emi ebɔhɔde, ɔnɔ Sihon ɔbɔŋ mme Armorite ke ifin.

DEUTERONOMY 28:18

Eyedɔdiɔk ɔnɔ mfri idibi fo, ye mfri iŋwaŋ fo, ye nditɔ enaŋ fo, ye nditɔ ŋkpri ufene fo.

DEUTERONOMY 28:31

Eyewot enaŋ fo ke iso fo, ndien udusioho ŋkpɔ ke esit uta: eyebume ass fo ke iso fo, ndien idisanake aba iyak inɔ fi: eyeda ŋkpri ufene fo enɔ mme asua fo, ndien owo eke anyaŋade mmɔ ɔnɔ fi ididuhe.

DEUTERONOMY 28:41

Afo eyebon nditɔ-iren ye nditɔ-iban, edi ududiaha uku mmɔ: koro eyetaŋ mmɔ efep.

DEUTERONOMY 28:65

Ndien afo udukwe nsuk-itie ke otu mme obio oro, ikpat ukot fo idinyuŋ ikwe nduɔk-odudu: ndien do ke Jehovah edinɔ fi esit ndutime, ye nnaneyin, ye nyomo-nsia: