DEUTERONOMY 28:22 - Edisana ñwed Abasi Ibom

²² Jehovah eyeda ndiɔkidem, ye ufiopidem, ye ŋkunya, ye oyo, ye ofut, ye ikaŋ-ekpo, ye mfut, amiŋa fi: ndien mmɔ eyebine fi tutu esobo fi ema.

DEUTERONOMY 28:22 ပူးပေါင်းရင်းမြစ်များ

1 NDIDEM 17:7

Edikem ke utit mme usen oro mmɔŋ ke idim asat ama, koro edim mikoduhe ke edem oro.

1 NDIDEM 8:37

Ke ini akaŋ edidude ke isɔŋ, ke idiɔk udɔŋɔ edidude, ke ikaŋ ekpo, mme mfut, mme ŋkukuŋkpɔyɔriyɔ eke atade edidude; ke ini mme asua mmɔ edikande mmɔ ekuk ke isɔŋ obio mmɔ; ufen ekededi,

2 CHRONICLES 6:28

Ke ini akaŋ edidude ke isɔŋ emi, ke idiɔk udɔŋɔ edidude, ke nda-eyo, mme mfut, mme ŋkukuŋkpɔyɔriyɔ eke etade edidude; ke ini mme asua mmɔ edikande inua-otop isɔŋ mmɔ ekuk: ke ufen ekededi, mme udɔŋɔ ekededi edidude:

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

LEVITICUS 26:16

ami ŋko nyenam ŋkpɔ emi ye mbufo: nnyuŋ nda nnyek-idem, ye ndiɔkidem, ye ata ufiopidem ndori mbufo, ndien mmɔ eyetibi owo enyin, enyuŋ esin uduk ke esit: ndien mbufo eyetɔ mkpasip mbufo ke ikpikpu; ndien mme asua mbufo eyedia enye.

AMOS 4:9

Ŋkada nda-eyo ye mfut mmia mbufo eti-eti; ŋkukuŋkpɔyɔriyɔ ata mbuŋwum iŋwaŋ-esa mbufo, ye iŋwaŋ-vine mbufo, ye fig mbufo, ye mme olive mbufo: edi mbufo ifiakke itiene mi; uyo Jehovah edi emi.

HAGGAI 1:11

Ami nnyuŋ ŋkot nda-eyo, nte anam isɔŋ, ye ikpɔ obot, ye ibokpot, ye obufa wine, ye aran, ye se isɔŋ odukde, ye owo, ye ufene, ye ofuri utom ubɔk owo.

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.

HAGGAI 2:19

Nte mkpasip odu kaŋa ke ebiet unim udia? Vine ŋko, ye eto fig, ye pomegranate, ye eto olive ika-iŋwumke kaŋa. Toto ke mfin emi nyediɔŋ mbufo.

ZECHARIAH 14:12

Ndien emi edidi ufen emi Jehovah edimiade kpukpru obio emi ekeŋwanade ekɔŋ ye Jerusalem; obukidem mmɔ eyeye-mere ke mmɔ esuk edida ke ukot mmɔ, enyin mmɔ eyenyuŋ eyemere ke ndudu mmɔ: edeme mmɔ eyenyuŋ eyemere ke inua mmɔ.

DEUTERONOMY 28:23

Ndien ikpa-enyɔŋ fo emi odorode fi ke ibuot eyedi okpoho, isɔŋ ke idak eyenyuŋ edi ukwak.

DEUTERONOMY 32:24

Biɔŋ esin idem ɔduɔhɔ mmɔ, idiɔk udɔŋɔ ye edidoro nsobo enyuŋ esomo mmɔ: ndien nyedɔŋ ndet mme idiɔk unam, ye ifɔt mme andinyɔni ke ntan, nte ekenam mmɔ.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.