DEUTERONOMY 28:20 - Edisana ñwed Abasi Ibom

²⁰ Jehovah eyedɔŋ isuŋi, ye ndik, ye nduari, etiene fi, ke kpukpru se afo edinyande ubɔk fo ke esit ndinam, tutu edisobo fi ema, tutu afo onyuŋ atak ke iwiwa; kabaŋa mme idiɔk ido fo: koro afo ɔkɔkpɔŋde mi.

DEUTERONOMY 28:20 ပူးပေါင်းရင်းမြစ်များ

ŊWED JOB 24:18

Enye efefere ke iso mmɔŋ; emesuŋi udeme mmɔ ke ererimbot: enye ikabakede iso ise usuŋ mme iŋwaŋ-vine.

ŊWED MME PSALM 7:11

Abasi ekpe ikpe edinen owo; Abasi onyuŋ ayat esit (ye mme idiɔk owo) kpukpru usen.

ISAIAH 28:19

Adaŋa ini nte ebede, enye eyeda mbufo, koro enye eyebe kpupkru usenubɔk, ke uwemeyo ye ke okoneyo: ndien erifiɔk ŋkpɔ eke edikopde edidi ndik-ndik.

ISAIAH 30:17

Nduari owo kierakiet eyesin tɔsin owo efeŋe; nduari owo ition eyesin mbufo efeŋe: tutu mbufo esuhɔ nte ito ubom ke enyɔŋ ikpɔ obot, ye nte ɔfɔŋ-etak-ubom ke ibuot obot.

ISAIAH 51:20

Idem akpa nditɔ fo: mmɔ ena ke ibuot kpukpru mme efak, ebiet enaŋ ikɔt ke iyire: eyuhɔ ifuresit Jehovah, nduari Abasi fo.

ISAIAH 66:15

Koro, sese, Jehovah eyedi ke ikaŋ, mme chariot esie eyenyuŋ edi nte oyobio ndikabare iyaresit edi ifiopesit, nnyuŋ ŋkabare nduari esie edi edemikaŋ.

JEREMIAH 1:16

Ndien nyetiŋ ikpe mi ye mmɔ, mbaŋa ofuri idiɔk ido mmɔ: koro mmɔ ekpɔŋde mi, enyuŋ efɔpde incense enɔ abasi efen, enyuŋ etuakde ibuot enɔ se ubɔk mmɔ ekenamde.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

LEVITICUS 26:38

Mbufo eyenyuŋ etak ke otu mme idut, isɔŋ mme asua mbufo eyenyuŋ adia mbufo.

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

DEUTERONOMY 28:8

Jehovah eyewuk ete ɔfɔfɔn ɔnɔ fi ke mme ebiet unim-ŋkpɔ fo, ye ke kpukpru se afo edinyande ubɔk fo ke esit; enye eyenyuŋ ɔdiɔŋ fi ke isɔŋ emi Jehovah Abasi fo ɔnɔde fi.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

1 ŊWED THESSALONICA 2:16

edi edi mme asua ye kpukpru owo, ke emi mmɔ ebiɔŋɔde nnyin nditiŋ ikɔ nnɔ mme Gentile man enyaŋa mmɔ. Ntem ke mmɔ esuk emana enam mme idiɔk-ŋkpɔ mmɔ eyɔhɔ. Edi ifuresit Abasi odoro mmɔ ke idem ɔyɔhɔ-ɔyɔhɔ.

JOSHUA 23:16

Ke ini mbufo edibiatde ediomi Jehovah Abasi mbufo, emi enye okowukde mbufo, edinyuŋ ekade ekenam ŋkpɔ mme abasi efen, enyuŋ enuhɔ enɔ mmɔ; ndien Jehovah eyeyat esit ye mbufo, ndien eyewara esobo mbufo efep ke eti isɔŋ emi enye ɔkɔnɔde mbufo.

JUDGES 2:15

Ke kpukpru ebiet emi mmɔ ewɔŋɔde eka, ubɔk Jehovah odoro mmɔ ke idem idiɔk-idiɔk, kpa nte Jehovah ɔkɔdɔhɔde, ye nte Jehovah okonyuŋ ɔŋwɔŋɔde ɔnɔ mmɔ: ndien efik mmɔ eti-eti.

1 SAMUEL 14:20

Ndien Saul owuk kpukpru owo oro edude ye enye: ndien mmɔ eka ekeduk ke ekɔŋ: ndien, sese, ofut kpukpru owo ke ekpeŋe ekemɔ owo, nsobo onyuŋ okpon eti-eti.