DEUTERONOMY 28:12 - Edisana ñwed Abasi Ibom

¹² Jehovah eyesio usuŋ ebiet unim nti ŋkpɔ esie ɔnɔ fi, eke enyɔŋ, ndinɔ isɔŋ fo edim ke ekem ini, nnyuŋ ndiɔŋ kpukpru se ubɔk fo anamde: ndien afo eyenɔ ediwak mme idut ebuɔt, edi mmɔ idibuɔtke fi.

DEUTERONOMY 28:12 ပူးပေါင်းရင်းမြစ်များ

1 NDIDEM 18:1

EDIKEM ediwak usen ema ekebe, ndien uyo Jehovah osim Elijah ke ɔyɔhɔ isua ita, ete, Ka kowut Ahab idemfo; ndien nyenam edim edep ke iso isɔŋ.

ŊWED JOB 38:22

Nte afo ama oduk ke ebiet unim snow? Ama onyuŋ okut ebiet-unim edim-itiat,

ŊWED MME PSALM 135:7

Enye anam ntuhube adaha ke mme utit ererimbot ɔdɔk; anam obuma ɔnɔ edim; osio ofum ke ŋkpɔ-uto esie ada edi.

MME ŊKE 22:7

Enyene-ŋkpɔ akara mme anana-ŋkpɔ: owo eke ɔbuɔtde onyuŋ edi ofin owo eke ɔnɔde.

EZEKIEL 34:26

Ndien nyenam mmɔ ye akamba obot mi emi akande okuk, edi se idiɔŋde (owo): nyenyuŋ nnam edim edep ke ekem ini esie; edim nti ŋkpɔ eyedu.

LEVITICUS 26:4

ndien nyenɔ mbufo edim ke ekem ini, isɔŋ eyenyuŋ oduk ekese, mme eto iŋwaŋ eyenyuŋ esioŋo mfri mmɔ.

DEUTERONOMY 11:14

ndien nyenɔ edim isɔŋ mbufo ke ekem ini, akpa edim ye ekpere-edem, man afo obon ibokpot fo, ye obufa wine fo, ye aran fo.

DEUTERONOMY 14:29

ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

DEUTERONOMY 15:10

Kutre ndinɔ enye, esit fo okunyuŋ ɔdiɔk ke ini afo ɔnɔde enye: koro ŋkpɔ emi eyesin Jehovah Abasi fo ɔdiɔŋ fi ke kpukpru utom fo, ye ke kpukpru se afo ayande ubɔk fo ke esit.

DEUTERONOMY 15:6

Koro Jehovah Abasi fo ɔdiɔŋde fi, kpa nte enye ɔkɔdɔhɔde fi: ndien afo eyenɔ idut ediwak ke ebuɔt, edi udubuɔtke ebuɔt; eyenyuŋ akan ediwak mme idut, edi mmɔ idikanke fi.

DEUTERONOMY 23:20

buɔt esen owo dia udori; edi kubuɔt eyen-usɔ ubɔ udori: kpaŋ Jehovah Abasi fo ɔkpɔdiɔŋ fi ke kpukpru utom ubɔk fo, ke isɔŋ emi afo akade do ndida enye nnyene.

DEUTERONOMY 28:24

Jehovah eyenam edim isɔŋ fo akabare edi obu ye ntan: eyeto ke ikpa-enyɔŋ edep fi ke idem, tutu afo abiara ama.

DEUTERONOMY 28:44

Enye eyenɔ fi ebuɔt, ndien afo udunɔŋɔ enye ebuɔt: enye eyedi ibuot, ndien afo eyedi isim.