DEUTERONOMY 28:1 - Edisana ñwed Abasi Ibom

¹ NDIEN ama ekem, edieke afo mudutreke ndikop uyo Jehovah Abasi fo, ke nditim nnim kpukpru mme ewuhɔ esie, emi ami ŋwukde fi mfin emi, Jehovah Abasi fo eyefori fi akan kpukpru mme idut ke ererimbot:

DEUTERONOMY 28:1 ပူးပေါင်းရင်းမြစ်များ

1 CHRONICLES 14:2

Ndien David ɔfiɔk ete ke Jehovah otim onim imɔ ke edidem Israel; koro ubɔŋ esie emenerede ke enyɔŋ abaŋa ikɔt esie Israel.

ŊWED MME PSALM 106:3

Ɔfɔfɔn ɔnɔ mmɔ eke ekpemede se inende; (ɔfɔfɔn ɔnɔ) owo eke anamde eti ido kpukpru ini.

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

ŊWED MME PSALM 119:128

Mmɔdo mmese kpukpru item fo emi ebaŋade kpukpru ŋkpɔ ke se inende; nnyuŋ nsua kpukpru usuŋ nsu.

ŊWED MME PSALM 119:6

Ndien but idinamke mi, ke ini ami ntiŋde enyin ke kpukpru mbet fo.

ŊWED MME PSALM 148:14

Enye omonyuŋ emenere nduk ikɔt esie onim ke enyɔŋ, ye itoro ofuri mbon-ima esie; kpa eke nditɔ Israel, mbon emi ekperede enye.

ŊWED MME PSALM 91:14

Koro enye adianade mi, ndien nyanam enye ɔbɔhɔ; nyemenere enye nnim ke enyɔŋ, koro enye ɔfiɔkde enyiŋ mi.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

EXODUS 23:22

Koro afo ama otim okop uyo esie, onyuŋ anam kpukpru se ndɔhɔde; ndien nyedi asua mme asua fo, nyenyuŋ ntɔhɔ utɔk ye mmɔ eke etɔhɔde ye afo.

EXODUS 23:25

Mbufo enyuŋ enam ŋkpɔ Jehovah Abasi mbufo, ndien enye eyediɔŋ udia mbufo, ye mmɔŋ mbufo: ndien nyesioŋo udɔŋɔ ke otu mbufo mfep.

ISAIAH 1:19

Mbufo ema enyime, enyuŋ ekop, eyedia ufɔn isɔŋ;

ISAIAH 3:10

Mbufo edɔhɔ edinen owo, ete, Ke ɔfɔn: koro mmɔ eyedia mfri ido mmɔ.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.

JEREMIAH 17:24

Ndien ama ekem, edieke mbufo editimde ekop uyo mi, Jehovah ɔdɔhɔ, ndien midaha mbiomo iduk ke inua-otop obio emi ke usen sabbath, edi enim usen sabbath ke edisana, ndien minamke baba utom ke esit;

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

LUKE 9:48

Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

ŊWED MBON GALATIA 3:10

Koro kpukpru mmɔ eke erinam utom ibet edu ke idak isuŋi: koro ewetde ete, Ɔdɔdiɔk ɔnɔ kpukpru owo emi miyireke ke kpukpru mme item eke ewetde ke ŋwed ibet, ite inim mmɔ.

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 11:27

ufɔn, edieke mbufo edikopde kpukpru mme ewuhɔ Jehovah Abasi mbufo emi ami ŋwukde mbufo mfin emi:

DEUTERONOMY 15:5

edieke afo edikopde uyo Jehovah abasi fo, onyuŋ ekpemede ndinim kpukpru mbet emi ami mbetde fi mfin emi.

DEUTERONOMY 26:18

Jehovah ama onyuŋ ɔdɔhɔ fi mfin emi, ete, Ke iyenim fi ke ata ikɔt imɔ, kpa nte enye ɔkɔdɔhɔde fi, ke afo eyenyuŋ onim kpukpru mbet esie;

DEUTERONOMY 26:19

ke imɔ iyenyuŋ ifori fi ikan kpukpru mme idut eke imɔ ikanamde, man afo edi itoro, ye enyiŋ, ye ubɔŋ ɔnɔ imɔ man afo onyuŋ edi edisana ikɔt Jehovah Abasi fo, kpa nte enye ɔkɔdɔhɔde.

DEUTERONOMY 28:13

Ndien Jehovah eyenim fi ke ibuot, idinimke ke isim; afo eyenyuŋ odoro ke enyɔŋ-enyɔŋ, ududuhe ke idak; edieke afo edikopde mbet Jehovah Abasi fo emi ŋwukde fi mfin emi, nte ekpeme onyuŋ anam mmɔ: