DEUTERONOMY 27:26 - Edisana ñwed Abasi Ibom

²⁶ Ɔdɔdiɔk ɔnɔ owo eke minimke kpukpru ikɔ mbet emi, inyuŋ inam mmɔ. Ndien yak kpukpru owo edɔhɔ ete, Amen.

DEUTERONOMY 27:26 ပူးပေါင်းရင်းမြစ်များ

2 NDIDEM 22:13

Mbufo eka ekebup Jehovah enɔ mi, ye mbio emi, ye ofuri Judah, ebaŋa ikɔ ŋwed emi ekutde: koro iyaresit Jehovah emi asakde ye nnyin omokpon eti, koro mme ete nnyin mikokopke ikɔ ŋwed emi, mikonyuŋ inamke kpukpru se ewetde ebaŋa nnyin.

EZRA 7:26

Ndien yak emen idem eda ufen enɔ kpukpru owo eke minamke mme ewuhɔ Abasi fo, ye mme ewuhɔ edidem, edide ke mkpa, onyuŋ edide ke eribin mmɔ mfep, onyuŋ edide ke eridia mmɔ isop, onyuŋ edide ke erikɔbi mmɔ.

ŊWED MME PSALM 119:21

Afo amasua ɔnɔ mbon iseri, emi ɔdiɔkde ye mmɔ, emi ekpɔŋde mbet fo edue.

EZEKIEL 18:24

Ndien ke adaŋemi edinen owo ɔkpɔŋde edinen ido esie afiak edem, onyuŋ anam mme ukwaŋ-ŋkpɔ, onyuŋ anam nte asaŋade ye kpukpru mbubiam ido emi idiɔk owo anamde, nte enye eyedu uwem? Iditihi edinen ido esie eke enye anamde baba kiet: enye eyekpa ke ndudue esie eke enye eduede, ye ke idiɔk ido eke enye anamde.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

ŊWED MBON ROME 10:5

Koro Moses ewet ete, Owo eke anamde edinen ido ibet edida oro odu uwem.

1 ŊWED CORINTH 16:22

Edieke owo ekededi mimaŋa Ɔbɔŋ, Ɔdɔdiɔk ɔnɔ enye.

2 ŊWED CORINTH 3:9

Koro edieke erida ubiom-ikpe ndi akasaŋade ye ubɔŋ, erida edinen ido ndi enyene ubɔŋ eke okponde akan eti eti.

ŊWED MBON GALATIA 3:10

Koro kpukpru mmɔ eke erinam utom ibet edu ke idak isuŋi: koro ewetde ete, Ɔdɔdiɔk ɔnɔ kpukpru owo emi miyireke ke kpukpru mme item eke ewetde ke ŋwed ibet, ite inim mmɔ.

DEUTERONOMY 27:15

Ɔdɔdiɔk ɔnɔ owo eke anamde edisɔi mme editara mbiet, emi Jehovah esede ke mbubiam, utom ubɔk anam-usɔ, ndien emen enye onim ke ndibe ebiet. Ndien yak kpukpru owo ebɔrɔ ete, Amen.