DEUTERONOMY 27:24 - Edisana ñwed Abasi Ibom

²⁴ Ɔdɔdiɔk ɔnɔ owo eke ɔtɔde mbɔhiduŋ esie ke ndibe. Ndien yak kpukpru owo edɔhɔ ete, Amen.

DEUTERONOMY 27:24 ပူးပေါင်းရင်းမြစ်များ

2 SAMUEL 13:28

Ekem Absalom eteme mkparawa esie, ete, Mbufo ese ini eke wine edidukde Amnon idem, ndien adaŋemi ndɔhɔde mbufo, nte, Mbufo etɔ Amnon: ewot enye, ndien, ekufehe ndik: nte idige ami nteme mbufo: mbufo esɔŋ ubɔk, enyuŋ edi mbon uko.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

1 NDIDEM 2:5

Afo omonyuŋ ɔfiɔk ŋko se Joab eyen Zeruiah akanamde mi, se enye akanamde mme etubom mbon ekɔŋ Israel mbiba, Abner eyen Ner, ye Amasa eyen Jether, emi enye okowotde, okonyuŋ ɔduɔkde iyip ekɔŋ ke ini emem, onyuŋ ada iyip ekɔŋ eyet mbɔbɔ emi odude enye ke isin, ye ke ikpa ukot emi esinede enye ke ukot.

EXODUS 20:13

Kuwot owo.

LEVITICUS 24:17

Ndien ŋko owo eke owotde owo ekededi, enyene ndikpa.

NUMBERS 35:30

Owo ekededi ama owot owo, yak eda uyo ntiense ewot owot-owo oro: edi owo kierakiet okudi ntiense ɔnɔ owo akpa.

NUMBERS 35:31

Ndien ŋko mbufo ekubɔ ŋkpɔ baba kiet ke ibuot uwem owot-owo eke odotde ndikpa: ekutre ndiwot enye.