DEUTERONOMY 27:15 - Edisana ñwed Abasi Ibom

¹⁵ Ɔdɔdiɔk ɔnɔ owo eke anamde edisɔi mme editara mbiet, emi Jehovah esede ke mbubiam, utom ubɔk anam-usɔ, ndien emen enye onim ke ndibe ebiet. Ndien yak kpukpru owo ebɔrɔ ete, Amen.

DEUTERONOMY 27:15 ပူးပေါင်းရင်းမြစ်များ

GENESIS 31:19

Ndien Laban ama adaha aka ndifat ufene esie idet: ndien

GENESIS 31:34

okoduk ke tent Rachel. Ndien Rachel ama akada ibɔk oro esin ke ŋkpɔ camel esie, onyuŋ etie mmɔ ke enyɔŋ. Ndien Laban ɔduŋɔ ofuri tent, edi ikwe.

GENESIS 9:25

Ndien enye ɔdɔhɔ ete, Osuk ɔdiɔk ɔnɔ Canaan; enye eyedi ofin ifin nditɔ ete esie.

2 NDIDEM 17:19

Judah ŋko inyuŋ inimke mbet Jehovah Abasi mmɔ, edi asaŋa ke ido Israel emi mmɔ enamde.

2 NDIDEM 23:13

Edidem onyuŋ asabare mme edikoŋ ebiet oro edude ke iso Jerusalem, mmɔ oro edude ke edem nnasia obot mbubiam, emi Solomon edidem Israel ɔkɔbɔpde ɔnɔ Ashtoreth, mbubiam ŋkpɔ mme Zidonian, ye Chemosh, mbubiam ŋkpɔ Moab, ye Milcom mbubiam ŋkpɔ nditɔ Ammon.

1 CHRONICLES 16:36

Mbufo ekɔm Jehovah Abasi Israel ke nsinsi nsinsi. Ndien kpukpru owo ebɔ, ete, Amen, enyuŋ etoro Jehovah.

2 CHRONICLES 33:2

enye onyuŋ anam se idiɔkde ke iso Jehovah, ebiet mbubiam-ŋkpɔ mme idut oro Jehovah ekebinde efep ke iso nditɔ Israel.

EXODUS 20:23

Mbufo ekuda silver enam abasi edian ye ami, ekunyuŋ eda gold enam abasi enɔ idem mbufo.

EXODUS 20:4

Kunam edisɔi ŋkpɔ unɔ idem fo, kunyuŋ unam mbiet baba ŋkpɔ kiet eke odude ke heaven ke enyɔŋ, ye eke odude ke isɔŋ ke idak, ye eke odude ke mmɔŋ ke idak isɔŋ;

EXODUS 34:17

Kutara ŋkpɔ ubot abasi ke idem fo.

ISAIAH 44:13

Carpenter anyan uruk, okpok enye ke utibi ŋkpɔ, anam enye ke abaŋa, onyuŋ okpok enye ke compass, onyuŋ anam enye esin ke mbiet owo esin ke uyai owo, man oduŋ ke ufɔk.

ISAIAH 44:17

Ndien enye ada ubak eke ɔsuhɔde anam abasi, edisɔi mbiet esie; eyenuhɔ ɔnɔ enye, onyuŋ owuk ubɔk, onyuŋ ɔbɔŋ akam ɔnɔ enye, onyuŋ ɔdɔhɔ, ete, Nyaŋa mi: koro afo edide abasi mi.

ISAIAH 44:19

Ndien enye inyimeke ndikabare ŋkere ke esit esie, ifiɔk ye eti ibuot inyuŋ iduhe du, eke enye ɔkpɔdɔhɔde, ete, Mma mfɔp ubak ke ikaŋ; mma nsaŋ uyo ŋko ke ebok ikaŋ esie; mma mfɔp unam nnyuŋ nta: ndien nte ndida se isuhɔde nnam ŋkpɔ mbubiam? nte ndinuhɔ nnɔ ekpat eto?

JEREMIAH 11:3

nyuŋ dɔhɔ mmɔ, ete, Ntem ke Jehovah Abasi Israel ɔdɔhɔ, ete, Osuk ɔdɔdiɔk ɔnɔ owo eke midikopke ikɔ ediomi emi,

JEREMIAH 11:5

man nnim uŋwɔŋɔ oro ŋkɔŋwɔŋɔde nnɔ mme ete mbufo, nte ke ndinɔ mmɔ isɔŋ emi ɔfiɔrɔde mmɔŋ-eba ye aran-ɔkwɔk, kpa nte edide mfin emi. Ndien ami mbɔrɔ, nte, Amen, O Jehovah.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

JEREMIAH 28:6

ndien Jeremiah prophet ɔdɔhɔ ete, Amen: Jehovah akpakam anam ntre: Jehovah akpakam anam ikɔ prophecy emi afo etiŋde, ɔsɔŋɔ ada, onyuŋ emen mkpoduoho ufɔk Jehovah, ye kpukpru mbon ntaŋ-mfep ke Babylon onyuŋ edi ke ebiet emi.

EZEKIEL 14:4

Neme ye mmɔ ndien, nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Kpukpru owo ufɔk Israel eke edimende ibɔk mmɔ ewuk ke esit mmɔ, enyuŋ edade ŋkpɔ iduɔ idiɔk ido mmɔ enim ke iso mmɔ, ndien edi ke ɔtɔ prophet; ami Jehovah nyebɔrɔ mmɔ ke esit, nte ekemde ye ediwak ibɔk mmɔ;

EZEKIEL 7:20

Enye onyuŋ onim ediye mbana esie ke iseri: mmɔ enyuŋ enam mbiet mbubiam ŋkpɔ mmɔ, ye ŋkpɔ ndek mmɔ ke esit: oro esin ami nnim enye ke ndek nnɔ mmɔ.

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

LEVITICUS 19:4

Mbufo ekukabare etiene ndem, ekunyuŋ etara ŋkpɔ enam abasi enɔ idem mbufo: ami ndi Jehovah Abasi mbufo.

LEVITICUS 26:1

MBUFO ekunam ndem enɔ idem mbufo, ekunyuŋ enim edisɔi mbiet, ye adaha enɔ idem mbufo, ekunyuŋ eda itiat eke esɔide ewuk ke isɔŋ mbufo, man enuhɔ enɔ enye: koro ami ndide Jehovah Abasi mbufo.

NUMBERS 5:22

Ntem ke mmɔŋ isuŋi emi ebe oduk fi ke nsia, man anam idibi ofut fi, onyuŋ anam ifuhi eyemere fi: ndien yak ŋwan oro ɔdɔhɔ ete, Amen, Amen.

MATTHEW 24:15

Mmɔdo ke adaŋemi mbufo edikutde ŋkpɔ mbubiam nsobo, emi prophet Daniel eketiŋde abaŋa, nte adade ke edisana ebiet (yak enye eke okotde ŋwed otim ɔfiɔk),

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

1 ŊWED CORINTH 14:16

Koro edieke afo otorode Abasi ke spirit, owo eke mimeheke ye usem edinam didie ibɔrɔ ite Amen idian ye ekɔm fo, sia enye mifiɔkke se afo ɔdɔhɔde?

DEUTERONOMY 27:14

Ndien yak mme Levite ebɔrɔ enyuŋ edɔhɔ kpukpru mbon Israel ke ɔkpɔsɔŋ uyo ete,

DEUTERONOMY 29:17

mbufo ema enyuŋ ekut mbubiam ŋkpɔ mmɔ, ye mbiet ŋkpɔ mmɔ, kpa eke eto itiat, ye eke silver, ye gold, emi edude ke otu mmɔ:

DEUTERONOMY 4:25

Ke adaŋemi afo edibonde nditɔ ye nditɔ nditɔ, mbufo enyuŋ ebigide ke isɔŋ oro, enyuŋ ekabarede ediɔk, enyuŋ esɔi ŋkpɔ esin ke mbiet ŋkpɔ ekededi, enyuŋ enam idiɔk ido ke iso Jehovah Abasi fo, enyuŋ eyat enye esit:

DEUTERONOMY 5:8

Kunam edisɔi ŋkpɔ unɔ idem fo, kunyuŋ unam mbiet baba ŋkpɔ kiet eke odude ke heaven ke enyɔŋ, ye eke odude ke isɔŋ ke idak, ye eke odude ke mmɔŋ ke idak isɔŋ:

DEUTERONOMY 7:25

Mbufo eda edisɔi ŋkpɔ mbiet mme abasi mmɔ efɔp ke ikaŋ: kuyom silver ye gold eke ɔfuhɔde mmɔ ke idem, kunyuŋ uda enye ke idem fo, mbak enye edisin afia amia fi: koro Jehovah Abasi fo esede enye ke ŋkpɔ mbubiam.

JUDGES 17:3

Ndien adaŋemi enye ama akayak mbak silver ikie duopekiet oro ɔnɔ eka esie, eka esie ɔdɔhɔ ete, Ŋkonim silver emi nnɔ Jehovah, eyen mi eyebɔ mi enye ke ubɔk, man anam edisɔi mbiet, ye editara mbiet: mmɔdo ndiyakde enye nnɔ fi ndien.

JUDGES 17:4

Ntre ke enye ayak silver oro ɔnɔ eka esie; ndien eka esie osio shekel silver ikie iba, ada mmɔ ɔnɔ odom-utim, ndien enye anam edisɔi mbiet ye editara mbiet: ndien mmɔ edu ke ufɔk Micah.

1 SAMUEL 26:19

Mbɔk, ndien, yak ɔbɔŋ mi edidem okop uyo owo esie. Ndi Jehovah ekedemere fi ete ebine mi, yak enye ɔbɔ uwa; edi ama edi nditɔ owo, osuk ɔdɔdiɔk ɔnɔ mmɔ ke iso Jehovah; koro mmɔ emebin mi efep mfin emi, esin mi ŋkusop idem ye udeme Jehovah, ete, Ka kanam ŋkpɔ nɔ Abasi efen.