DEUTERONOMY 26:3 - Edisana ñwed Abasi Ibom

³ Ndien ka ke ɔtɔ oku eke edidude ke ini oro, nyuŋ dɔhɔ enye ete, Ndɔhɔ nnɔ Jehovah Abasi fo mfin emi, nte, Mmoduk ke isɔŋ emi Jehovah ɔkɔŋwɔŋɔde ɔnɔ mme ete nnyin ete iyenɔ nnyin.

DEUTERONOMY 26:3 ပူးပေါင်းရင်းမြစ်များ

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 19:17

ndien owo mbiba oro enyenede ikɔ oro eyeda ke iso Jehovah, ye ke iso mme oku ye mme ebierikpe eke

DEUTERONOMY 26:2

sio ndusuk ofuri akpa mfri iŋwaŋ eke afo edidade ke isɔŋ fo emi Jehovah Abasi fo ɔnɔde fi, edi, sin ke akpan, ndien ka ke ebiet emi Jehovah Abasi fo edimekde ndinim enyiŋ esie do.

DEUTERONOMY 26:4

Ndien yak oku oro ɔbɔ fi akpan ke ubɔk, ada enye ɔdiɔk ke iso itie-uwa Jehovah Abasi fo.

MME HEBREW 10:21

sia inyuŋ inyenede akamba Akwa Oku emi akarade ufɔk Abasi;

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.