DEUTERONOMY 26:18 - Edisana ñwed Abasi Ibom

¹⁸ Jehovah ama onyuŋ ɔdɔhɔ fi mfin emi, ete, Ke iyenim fi ke ata ikɔt imɔ, kpa nte enye ɔkɔdɔhɔde fi, ke afo eyenyuŋ onim kpukpru mbet esie;

DEUTERONOMY 26:18 ပူးပေါင်းရင်းမြစ်များ

2 SAMUEL 7:24

Afo omonyuŋ ɔsɔŋ onim ikɔt fo Israel ke idemfo ke ikɔt fo ke nsinsi: afo, Jehovah, omonyuŋ akabare edi Abasi mmɔ.

ŊWED MME PSALM 119:6

Ndien but idinamke mi, ke ini ami ntiŋde enyin ke kpukpru mbet fo.

ŊWED MME PSALM 135:4

Koro Jehovah emekde Jacob onim ke idem esie, emek Israel onim ke ata inyene esiemɔ.

EXODUS 6:7

nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep.

JEREMIAH 13:11

Koro kpa nte ubɔp-isin ɔbɔbɔde owo ke isin, kpasuk ntre ke ŋkada ofuri ufɔk Israel ye ofuri ufɔk Judah mbɔbɔ ke idem mi, Jehovah ɔdɔhɔ; man mmɔ ekpedi okimmɔ ke ikɔt, ye ke enyiŋ, ye ke itoro, ye ke ubɔŋ: edi mmɔ ikokopke.

LEVITICUS 20:26

Ndien mbufo edidi edisana ikɔt mi: koro ami Jehovah ndide edisana, nyenyuŋ ndianare mbufo ye mme idut efen, man mbufo edi okim.

ZEPHANIAH 3:20

Ke ini oro nyeda mbufo nduk, kpa ke ini emi nditaŋde mbufo mbon; koro nyenim fi ke etop ye ke itoro ke otu kpukpru mme idut ke ererimbot, ke ini emi ndidade mbufo emi edide mbuot-ekɔŋ mfiak ndi, ke enyin mbufo; Jehovah ɔdɔhɔ.

ŊWED MBON ROME 16:26

Emi enyuŋ edade se mme prophet ekewetde, nte nsinsi Abasi ɔkɔnɔde uyo, enam kpukpru mme idut efiɔk, man mmɔ esuk ibuot ke mbuɔtidem:

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

DEUTERONOMY 27:10

Kop ndien uyo Jehovah Abasi fo, nyuŋ nim mbet esie ye mme ewuhɔ esie emi ami ŋwukde fi mfin emi.

DEUTERONOMY 28:1

NDIEN ama ekem, edieke afo mudutreke ndikop uyo Jehovah Abasi fo, ke nditim nnim kpukpru mme ewuhɔ esie, emi ami ŋwukde fi mfin emi, Jehovah Abasi fo eyefori fi akan kpukpru mme idut ke ererimbot:

DEUTERONOMY 28:9

Jehovah eyenim fi ke edisana ikɔt esiemɔ, kpa nte enye ɔkɔŋwɔŋɔde ɔnɔ fi, edieke afo edinimde mbet Jehovah, kpa nte enye ɔkɔŋwɔŋɔde ɔnɔ fi, edieke afo onyuŋ asaŋade ke usuŋ esie.

DEUTERONOMY 29:13

man enye ada fi mfin emi onim ke ikɔt esiemɔ, man enye onyuŋ edi Abasi fo, kpa nte enye ɔkɔdɔhɔde fi, nte enye okonyuŋ ɔŋwɔŋɔde ɔnɔ mme usɔ, Abraham, ye Isaac, ye Jacob.

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;