DEUTERONOMY 26:15 - Edisana ñwed Abasi Ibom

¹⁵ Tie ke edisana iduŋ fo ke heaven tuk iso se, nyuŋ diɔŋ ikɔt fo Israel, ye isɔŋ emi afo ɔkɔnɔde nnyin, kpa nte afo ɔkɔwɔŋɔde ɔnɔ mme ete nnyin, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 26:15 ပူးပေါင်းရင်းမြစ်များ

1 NDIDEM 8:27

Nte Abasi eyeduŋ ke isɔŋ ndien ke akpanikɔ? Sese, enyɔŋ ye ata enyɔŋ ikemke fi, kpaŋ ɔfiɔk ufɔk emi ŋkɔbɔpde.

1 NDIDEM 8:43

afo tie ke enyɔŋ, ebiet iduŋ fo, kop, nyuŋ nam kpukpru se esen owo oro edisemede ɔnɔ fi abaŋa: kpaŋ kpukpru mbio ererimbot emi ekpefiɔk enyiŋ fo, enyuŋ ebak fi, kpa nte ikɔt fo Israel enamde: man mmɔ enyuŋ efiɔk ete ke eda enyiŋ fo esio ufɔk emi ami mbɔpde.

2 CHRONICLES 30:27

Ndien mme oku mme Levite edaha ke enyɔŋ ekediɔŋ kpukpru owo: ndien ekop uyo mmɔ, mkpe-ubɔk mmɔ onyuŋ osim ke edisana iduŋ esie ke enyɔŋ.

ŊWED MME PSALM 28:9

Nyaŋa ikɔt fo, nyuŋ diɔŋ mbon udeme fo: bɔk mmɔ ŋko, nyuŋ menere mmɔ ke enyɔŋ ke nsinsi.

ŊWED MME PSALM 51:18

Fɔn ido ye Zion ke ima fo: diɔŋ ibibene Jerusalem.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

ŊWED MME PSALM 80:14

O Abasi mme udim, mbɔk, fiak edem: tie ke enyɔŋ tuk iso, nyuŋ kut, nyuŋ di dise vine fo emi;

ŊWED MME PSALM 80:15

ye nsehe emi ubɔk nnasia fo ɔkɔtɔde, ye eyen emi afo ɔbɔkde ɔnɔ idem fo.

ŊWED MME PSALM 90:17

Ndien nam uyai Jehovah Abasi nnyin odoro nnyin ke idem: nyuŋ nam se ubɔk nnyin enamde ɔsɔŋɔ ada ye nnyin: nyuŋ nam se ubɔk nnyin enamde ɔsɔŋɔ ada.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

ZECHARIAH 2:13

O ofuri obukidem, mbufo edop uyo ke iso Jehovah: koro edemerede enye ɔwɔrɔ ke edisana iduŋ esie.

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

UTOM MME APOSTLE 7:49

Enyɔŋ edi ebekpo Mi, Isɔŋ onyuŋ edi udorukot Mi: Jehovah ete, nso oruk ufɔk ke mbufo edibɔp enɔ Mi? Mme nso ebiet ke mbufo edinim ke itie nduɔk-odudu Mi?

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 26:14

ŋkadiaha ke esit ke ukut mi, ŋkoyuŋ nsioho ke esit nnɔ se idehede nnyuŋ nsioho ke esit nnɔ akpa-mkpa: mma ŋkop uyo Jehovah Abasi mi, nnyuŋ nnam kpukpru se afo okowukde mi.

DEUTERONOMY 26:7

ndien ke ini nnyin isemede inɔ Jehovah Abasi mme ete nnyin, Jehovah okop uyo nnyin, onyuŋ ese ukut nnyin, ye ɔkpɔsɔŋ utom nnyin, ye ufik eke efikde nnyin:

DEUTERONOMY 26:9

enye onyuŋ ada nnyin edi ke ebiet emi, onyuŋ ɔnɔ nnyin isɔŋ emi, kpa isɔŋ emi ɔfiɔrɔde mmɔŋ-eba ye aran-ɔkwɔk.

DEUTERONOMY 6:3

O Israel, kop ndien, nyuŋ tiŋ enyin ndinam: man ɔfɔn fi, man mbufo enyuŋ etɔt eti-eti, ke isɔŋ emi ɔfiɔrɔde mmɔŋ-eba ye aran-ɔkwɔk, kpa nte Jehovah Abasi mme usɔ ɔkɔŋwɔŋɔde ɔnɔ fi.