DEUTERONOMY 26:13 - Edisana ñwed Abasi Ibom

¹³ ndien dɔhɔ ke iso Jehovah Abasi fo, ete, Mmosio mme edisana ŋkpɔ ke ufɔk mi mfep, mmonyuŋ nda mmɔ ndinɔ mme Levite, ye esen owo, ye eyen-akpa, ye ebe-akpa, nte kpukpru mme ewuhɔ fo emi afo owukde mi esaŋade: ŋkeduehe mme ewuhɔ fo, ŋkoyuŋ mfreke:

DEUTERONOMY 26:13 ပူးပေါင်းရင်းမြစ်များ

ŊWED MME PSALM 119:139

Ufup mi ata mi: koro mme asua mi efrede ikɔ fo.

ŊWED MME PSALM 119:141

Eti ido fo enen ke nsinsi: mme ido fo enyuŋ edi akpanikɔ.

ŊWED MME PSALM 119:153

Se ukut mi, nyuŋ babare mi; koro mmemfreke mbet fo.

ŊWED MME PSALM 119:176

Nsaŋa ndiyo nte erɔŋ eke osopde; yom owo fo; koro mmemfreke mbet fo.

ŊWED MME PSALM 119:93

Ndifreke item fo ke nsinsi: koro afo adade mmɔ onim mi ke uwem.

ŊWED MME PSALM 26:6

Nyeyet ubɔk mi esana: ndien nyekanare itie-uwa fo ŋkuk,

MME ŊKE 3:1

EYEN mi, kufre mbet mi; edi yak esit fo ekpeme mme ewuhɔ mi:

UTOM MME APOSTLE 24:16

Ntem ke ŋwana kpukpru ini ndinyene esit eke minyeneke se eduede Abasi ye owo.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

2 ŊWED CORINTH 11:31

Abasi ye Ete Ɔbɔŋ nnyin Jesus, eke ubɔŋ enyenede Enye ke nsinsi, ɔmɔfiɔk ete nsuhu nsu.

DEUTERONOMY 14:29

ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

DEUTERONOMY 26:12

Ke ini afo ama akada ɔyɔhɔ ubak ofuri mbuŋwum fo duop ɔnɔ ama, ke ɔyɔhɔ isua ita, eke edide isua erinɔ ɔyɔhɔ ubak duop, ama onyuŋ emen enye ɔnɔ mme Levite, ye esen owo, ye eyen-akpa, ye ebe-akpa, man mmɔ eda edia ŋkpɔ ke mme obio fo, eyuhɔ;

DEUTERONOMY 26:14

ŋkadiaha ke esit ke ukut mi, ŋkoyuŋ nsioho ke esit nnɔ se idehede nnyuŋ nsioho ke esit nnɔ akpa-mkpa: mma ŋkop uyo Jehovah Abasi mi, nnyuŋ nnam kpukpru se afo okowukde mi.

1 ŊWED THESSALONICA 2:10

Mbufo edi mme ntiense, Abasi onyuŋ etiene ese, adaŋa nte nnyin ikadade ido eke asanade, onyuŋ enende, onyuŋ ananade ndo idu uwem ye mbufo emi enimde ke akpanikɔ: