DEUTERONOMY 24:3 - Edisana ñwed Abasi Ibom

³ utɔŋɔ ntak ebe oro onyuŋ asua enye, onyuŋ ewet ŋwed usio-ndɔ ɔnɔ enye, esin enye ke ubɔk, onyuŋ anam enye ɔwɔrɔ ke ufɔk esie; mme onyuŋ edieke utɔŋɔ ntak ebe oro ɔkɔdɔde enye, akpa;

DEUTERONOMY 24:3 ပူးပေါင်းရင်းမြစ်များ

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

JEREMIAH 3:8

Ndien Judah eyen-eka esie ama-nsu okut. Ndien okposuk edi nte efibe oro Israel ama-mfiakedem ekesinde, edi ofuri ntak emi ŋkosiode enye, nnyuŋ nnɔde enye ŋwed usio-ndɔ, ŋkut nte ke Judah eyen-eka esie aŋwan ama-nsu ifeheke ndik, edi aka akanam use, kpa enye ŋko-ŋko.

MATTHEW 5:31

Ekenyuŋ edɔhɔ ete, Owo ekededi eke osiode ŋwan esie ndɔ, yak ɔnɔ enye ŋwed usio-ndɔ.

MARK 10:4

Mmɔ ete, Moses akayak ewet ŋwed usio-ndɔ, ndien esio enye.

DEUTERONOMY 24:1

KE adaŋemi owo adade ŋwan ɔdɔ, ama ekem edieke ŋwan minemke enye esit, koro okutde enye ŋkpɔ but ke idem: ndien yak enye ewet ŋwed usio-ndɔ ɔnɔ ŋwan, esin enye ke ubɔk, ndien anam enye ɔwɔrɔ ke ufɔk esie.

DEUTERONOMY 24:2

Ndien adaŋemi enye ɔwɔrɔde ke ufɔk esie, onyuŋ akade ɔkɔdɔ owo efen;

DEUTERONOMY 24:4

akpa ebe esie oro okosiode enye, ikemeke nditɔŋɔ ntak nda enye ndɔ, ke adaŋemi enye ama akabiara: koro Jehovah esede oro ke mbubiam: kunam ndien isɔŋ emi Jehovah Abasi fo ɔnɔde fi ke udeme, edue isop.