DEUTERONOMY 24:19 - Edisana ñwed Abasi Ibom

¹⁹ Ke adaŋemi afo ekpeŋede ukpeŋe fo ke iŋwan fo, onyun efre ebek kiet ke iŋwan, kufiak edem ukemen enye: yak ana ɔnɔ esen owo, ye eyen-akpa, ye ebe-akpa: kpaŋ Jehovah Abasi fo ɔkpɔdiɔŋ fi ke kpukpru utom ubɔk fo.

DEUTERONOMY 24:19 ပူးပေါင်းရင်းမြစ်များ

ŊWED JOB 42:12

Ndien Jehovah ɔdiɔŋ Job ke ukperedem akan eke mbemiso: ndien enye enyene tɔsin ŋkpri ufene duopenaŋ, ye tɔsin camel itiokiet, ye enaŋ iba-iba itie tɔsin, ye tɔsin uman ass.

ŊWED MME PSALM 112:9

Enye amatat ubɔk, ɔnɔ mme ubuene ŋkpɔ; edinen ido esie ebigi ke nsinsi; ubɔŋ emenere nduk esie ke enyɔŋ.

MME ŊKE 14:21

Owo eke esede mbɔhiduŋ esie ke ndek anam idiɔk: ama edi owo eke atuade mme ubuene mbɔm, ɔfɔfɔn ɔnɔ enye.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

ISAIAH 32:8

Edi owo ntarubɔk aduak ŋkpɔ ntarubɔk; onyuŋ anam ekikak ke ntarubɔk.

LEVITICUS 23:22

Ndien ŋko ke ini mbufo ekpeŋede ukpeŋe iŋwaŋ mbufo, kukpeŋe inuk iŋwaŋ fo uma, kunyuŋ utaŋ se ibɔhɔde iduɔŋɔ ke ukpeŋe fo: yak oro kpɔŋ nɔ ubuene, ye esen owo: ami ndi Jehovah Abasi mbufo.

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

LUKE 6:38

Enɔ, ndien eyenɔ mbufo; eyedomo ɔyɔhɔ udomo eke emiŋde ɔsuhɔre, eke enyeŋede, onyuŋ ɔyɔhɔde ɔduɔhɔ, esin mbufo ke ɔfɔŋ. Koro udomo eke mbufo edade edomo enɔ owo, ke edida edomo enɔ mbufo.

DEUTERONOMY 14:29

ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

DEUTERONOMY 15:10

Kutre ndinɔ enye, esit fo okunyuŋ ɔdiɔk ke ini afo ɔnɔde enye: koro ŋkpɔ emi eyesin Jehovah Abasi fo ɔdiɔŋ fi ke kpukpru utom fo, ye ke kpukpru se afo ayande ubɔk fo ke esit.

DEUTERONOMY 24:18

nyuŋ ti nte afo ekedide ofin ke Egypt, ndien Jehovah Abasi fo akafak fi osio ke esit: oro esin ami nteme fi anam ŋkpɔ emi.

DEUTERONOMY 26:13

ndien dɔhɔ ke iso Jehovah Abasi fo, ete, Mmosio mme edisana ŋkpɔ ke ufɔk mi mfep, mmonyuŋ nda mmɔ ndinɔ mme Levite, ye esen owo, ye eyen-akpa, ye ebe-akpa, nte kpukpru mme ewuhɔ fo emi afo owukde mi esaŋade: ŋkeduehe mme ewuhɔ fo, ŋkoyuŋ mfreke:

RUTH 2:16

ekunyuŋ esua enɔ enye: mbufo enyuŋ esioŋo ndusuk ke se mbufo ekamade ke ubɔk, ekpɔŋ enɔ enye, man enye ataŋ, ekunyuŋ enam ikɔ ye enye.

RUTH 2:2

Ekem Ruth ŋwan Moab oro ɔdɔhɔ Naomi, ete, Mbɔk, yak ŋka ke iŋwaŋ, ntiene owo eke edinende iso ye ami ŋkataŋ mbuot barley. Ndien enye ɔdɔhɔ enye, ete, Ka eyen mi.