DEUTERONOMY 24:17 - Edisana ñwed Abasi Ibom

¹⁷ Kuyut ikpe esen owo, mme eke eyen-akpa; kunyuŋ uda ɔfɔŋidem ebe-akpa ke ubiɔŋ:

DEUTERONOMY 24:17 ပူးပေါင်းရင်းမြစ်များ

ŊWED JOB 22:6

Koro afo ɔkɔbɔde eyen-usɔ ubiɔŋ ke minyeneke ntak, okonyuŋ osiode mbon iferi edisine-ŋkpɔ ke idem efep.

ŊWED JOB 24:3

Ebin ass nditɔ-akpa efep, emum enaŋ ebe-akpa ukat.

EXODUS 22:20

Yak esobo owo eke awade uwa ɔnɔ ndem, ke mibɔhɔke Jehovah ikpɔŋ-ikpɔŋ.

EXODUS 23:2

Kutiene ediwak owo edem uka udiɔk; kunyuŋ ubɔrɔ ke ikpe uwaha utiene ediwak owo edem, man akwaŋa ikpe:

EXODUS 23:6

Kukwaŋa ikpe ubuene fo ke ikɔ esie.

EXODUS 23:9

Kunyuŋ ufik esen owo koro mbufo emefiɔk esit esen owo: koro mbufo ekedide isen ke isɔŋ Egypt.

MME ŊKE 31:5

Mbak owo ediŋwɔŋ, ndien efre mme ewuhɔ, onyuŋ akwaŋa ikpe kpukpru mbon ukut.

ECCLESIASTES 5:8

Afo ama okut nte efikde mme ubuene, enyuŋ eyutde ikpe ye se inende ke mme province, kuyik oruk ŋkpɔ ntem: koro kiet emi okoŋde akan edikoŋ ekpeme; ndien Ata Andikoŋ akan mmɔ.

ISAIAH 1:23

Mbɔŋ fo edi mbon nsɔŋ-ibuot, ye nsaŋa inɔ: kpukpru mmɔ esuk emama enɔ, enyuŋ ebine utip: mmɔ ikpehe ikpe eyen akpa, ikɔ ebe-akpa inyuŋ isimke mmɔ.

ISAIAH 3:15

Nsinam mbufo enuakde ikɔt mi, enyuŋ etukde mme ubuene iso?” Ntem ke Ɔbɔŋ Jehovah mme udim ɔdɔhɔ.

ISAIAH 33:15

Owo eke eneŋerede asaŋa, onyuŋ ɔdɔhɔde edinen ikɔ; eke esinde udori utuk ke ndek, esimede ubɔk esie, ete ikumum enɔ, esiride utɔŋ esie, ete ikukop ibaŋa iyip, okubide enyin esie, man okukut idiɔk;

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

JEREMIAH 5:28

Mmɔ ekpon ubom, esem; enyuŋ ekan kpa ido mme idiɔk owo: mmɔ ibiereke ikɔ, kpa ikɔ eyen-akpa, ndien ekut unen: inyuŋ ikpehe ikpe mme ubuene.

EZEKIEL 22:29

Mbio isɔŋ enam nnama, enyuŋ ewo ŋwo, enyuŋ efik eyen ukut ye ubuene, enyuŋ etuk esen owo ke ido eke minenke.

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

LEVITICUS 19:33

Ndien ke adaŋemi esen owo oduŋde ye afo ke isɔŋ mbufo, mbufo ekutuk enye.

MICAH 7:3

Ubɔk mbiba edoro ke idiɔk man etim enam: ɔbɔŋ ye ebierikpe ŋko eyom utip: akwa owo onyuŋ etiŋ se idɔŋde ukpɔŋ esie: ntem ke mmɔ ekwaŋa ŋkpɔ.

ZECHARIAH 7:10

Mbufo ekunyuŋ etuk mme ebe-akpa, ye eyen-akpa, ye esen owo, ye eyen ubuene; mbufo ekunyuŋ eduak idiɔk kiet ye kiet ke esit mbufo.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

LUKE 3:14

Mbonekɔŋ nde ebup enye ete, Nnyin inyene ndinam nso? Enye ete mmɔ, Ekutuk owo, ekunyuŋ edori owo ikɔ ke nsu, enyuŋ enemesit ye ŋkpɔ-eyen-utom mbufo.

DEUTERONOMY 1:17

Mbufo ekuteŋe owo enyin ke ikpe: ekop uyo ekpri owo, kpa nte uyo akamba owo; mbufo ekubak iso owo; koro ikpe edide eke Abasi: ndien mbufo eda ikɔ eke ɔsɔŋde akan mbufo, esɔk mi man ŋkop enye.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

DEUTERONOMY 24:13

kutre ndiyak ubiɔŋ nnɔ enye ke utin osopde, man enye ada ekura esie ede idap, onyuŋ ɔkɔm fi; ndien eyebat oro enɔ fi ke se inende ke iso Jehovah Abasi fo.

DEUTERONOMY 24:18

nyuŋ ti nte afo ekedide ofin ke Egypt, ndien Jehovah Abasi fo akafak fi osio ke esit: oro esin ami nteme fi anam ŋkpɔ emi.

DEUTERONOMY 24:6

Owo okumum itiat-ɔkɔk isɔŋ-isɔŋ, mme itiat enyɔŋ-enyɔŋ ke ukat: koro enye omumde uwem owo ukat.

DEUTERONOMY 27:19

Ɔdɔdiɔk ɔnɔ owo eke oyutde ikpe esen owo, ye eyen-akpa, ye ebe-akpa. Ndien yak kpukpru owo edɔhɔ ete, Amen.

JAMES 2:6

Edi mbufo ema esuene eyen-ubuene. Nte idige mme enyene-inyene etuk mbufo? Nte mmɔ ke idem mmɔ idudike mbufo ika ke itie-ubiere-ikpe?