DEUTERONOMY 23:5 - Edisana ñwed Abasi Ibom

⁵ Edi Jehovah Abasi fo ikonyimeke ndikop nnɔ Balaam; edi Jehovah Abasi fo ama ɔkpuhɔre isuŋi esin ke eridiɔŋ ɔnɔ fi: koro Jehovah Abasi fo amade fi.

DEUTERONOMY 23:5 ပူးပေါင်းရင်းမြစ်များ

2 SAMUEL 16:12

Ndusuk Jehovah eyese idiɔk ido mi, Jehovah eyenyuŋ ɔnɔ mi se ifɔnde ke ibuot isuŋi esie mfin emi.

NEHEMIAH 13:2

koro mmɔ mikadaha uyo ye mmɔŋ idisobo ye nditɔ Israel, edi eka ekekpe Balaam ebaŋa mmɔ, ete enye osuŋi mmɔ: edi Abasi nnyin akabare isuŋi oro edi eridiɔŋ.

ŊWED MME PSALM 73:1

ABASI osuk ɔfɔfɔn ido ye Israel, kpa ye mmɔ emi esit mmɔ asanade.

MME ŊKE 26:2

Nte ntarusuŋ oyode, ye nte akaraŋ Abasi efede, kpa ntre isuŋi eke minyeneke ntak isuhɔ.

JEREMIAH 31:3

Ke eyo oko Jehovah okowut mi idem, ete, Mmama fi nsinsi ima: mmɔdo mfɔnde ido ye afo mbigi.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

MICAH 6:5

O ikɔt mi, mbɔk, mbufo eti se Balak edidem Moab okodiomide, ye se Balaam eyen Beor ɔkɔbɔrɔde enye, ɔtɔŋɔde ke Shittim tutu osim ke Gilgal: man mbufo efiɔk edinen ido Jehovah.

MALACHI 1:2

Jehovah ɔdɔhɔ, ete, Mmama mbufo. Ndien mbufo edɔhɔ, ete, Didie ke afo ama nnyin? Jehovah ɔdɔhɔ ete, Nte Esau ikedige eyen eka Jacob?

NUMBERS 22:35

Ndien angel Jehovah ɔdɔhɔ Balaam, ete, Saŋa ye mbon emi ka: edi kpasuk ikɔ eke ndidɔhɔde fi, suk oro ke afo edidɔhɔ. Ndien Balaam aka ye mbɔŋ Balak.

NUMBERS 22:5

Ndien enye ɔdɔŋ mme isuŋtom ke ɔtɔ Balaam eyen Beor ke Pethor, emi odude ke mben akpa, ke isɔŋ nditɔ obio mmɔ, ete, ekot enye edi, ete, Sese mbio emeto ke Egypt edi: sese, mmɔ efuk iso isɔŋ, mmɔ enyuŋ etie esak iso ese mi.

NUMBERS 24:9

Enye ɔkubɔ, ana nte lion, ye nte abak lion: anie edimenere enye? ɔfɔfɔn ɔnɔ owo eke ɔfɔnde ye afo, onyuŋ ɔdɔdiɔk ɔnɔ owo eke osuŋide fi.

ŊWED MBON ROME 11:28

Ke ŋkaŋ gospel, mmɔ edi mme asua kabaŋa mbufo: edi ke ŋkaŋ erimek, Abasi ama mmɔ kabaŋa mme ete mmɔ.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

ŊWED MBON ROME 9:13

Kpa nte ewetde ete, Jacob ke ŋkama, edi ŋkasua Esau.

2 ŊWED CORINTH 4:17

Koro mfefere ukut nnyin, emi midibigike bigi, ɔdɔdiɔŋ anam nnyin inyene nsinsi ubɔŋ, eke okponde odobi;

DEUTERONOMY 2:29

kpa nte nditɔ Esau emi eduŋde ke Seir ekenamde ye ami; ye mme Moabite emi eduŋde ke Ar; tutu ŋkebe Jordan nduk ke isɔŋ emi Jehovah Abasi nnyin ɔnɔde nnyin.

DEUTERONOMY 33:3

Ŋkɔm enye amama mme idut; edisana ikɔt esie edu fi ke ubɔk: mmɔ enyuŋ esuhɔre etie fi ke ukot; mmɔ eyebɔ ikɔ fo.

DEUTERONOMY 4:37

Ndien oto koro enye akamade mme usɔ, mmɔde enye emekde nditɔ mmɔ emi etienede mmɔ ke edem, onyuŋ adade akwa odudu esie osio fi ke Egypt ke iso esiemɔ:

JOSHUA 24:10

ete edisuŋi mbufo: edi ŋkonyimeke ndikop nnɔ Balaam: mmɔdo enye akabarede ɔdɔdiɔŋ mbufo: ntre ke nsio mbufo ke ubɔk esie.