DEUTERONOMY 21:5 - Edisana ñwed Abasi Ibom

⁵ ndien yak mme oku, nditɔ Levi, esaŋa ekpere: koro Jehovah Abasi fo ama emek mmɔ ndinam ŋkpɔ esie, nnyuŋ nda enyiŋ Jehovah ndiɔŋ owo; ndien kpukpru ikpe ye kpukpru ufene eyenyuŋ esaŋa ke uyo mmɔ:

DEUTERONOMY 21:5 ပူးပေါင်းရင်းမြစ်များ

1 CHRONICLES 23:13

ndien ekedianare Aaron, man enye ye nditɔ esie ŋko ke nsinsi ekpenam ata edisana ŋkpɔ esana, enyuŋ efɔp uwa enɔ Jehovah, enyuŋ enam ŋkpɔ esie, enyuŋ eda enyiŋ esie ediɔŋ owo ke nsinsi.

2 CHRONICLES 19:10

Ndien ama edi kpukpru ikɔ eke nditɔ-ete mbufo, emi eduŋde ke obio mmɔ, edade etiene mbufo, ebaŋa iyip ye iyip, enyuŋ ebaŋa mbet ye ewuhɔ, ye mme ido, ye mme item, mbufo esian mmɔ man ekudue Jehovah, iyaresit okonyuŋ odoro mbufo, ye nditɔ-ete mbufo: enam ntem, ndien mbufo idi-duehe.

EZEKIEL 42:13

Ndien enye ɔdɔhɔ mi, ete, Mme ubet edem edere, ye mme ubet edem usuk emi edude ke iso ebiet eridianare mfep, mmɔ edi edisana ubet emi mme oku emi esaŋade ekpere Jehovah edidiade ata edisana ŋkpɔ do: mmɔ eyenim ata edisana ŋkpɔ do, ye inuak-udia, ye uwa idiɔk ido, ye uwa ndudue: koro ebiet oro edide edisana.

EZEKIEL 44:24

Ndien ama edi ikpe, yak mmɔ eda ke itie ubiere-ikɔ; enyuŋ eda ikpe mi ekpe enye; enyuŋ enim ibet mi ye mme ewuhɔ mi ke kpukpru mme esop mi; enyuŋ enim mme sabbath mi ke edisana.

LEVITICUS 9:22

Ndien Aaron emenere ubɔk esie ese kpukpru owo, onyuŋ ɔdiɔŋ mmɔ; ndien enye oto ndiwa uwa idiɔk ido, ye edifɔp uwa ye uwa emem, ɔsuhɔre.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.

DEUTERONOMY 18:5

Koro Jehovah Abasi fo ama emek enye osio ke ofuri mme esien fo, ndida nnam ŋkpɔ ke enyiŋ Jehovah, enye ye nditɔ-iren esie ke nsinsi.

DEUTERONOMY 19:17

ndien owo mbiba oro enyenede ikɔ oro eyeda ke iso Jehovah, ye ke iso mme oku ye mme ebierikpe eke

DEUTERONOMY 21:4

ndien yak mbiowo oro eda uman enaŋ oro esuhɔre ke ebedeŋ eke enyenede idim, eke owo mifuŋke isɔŋ, minyuŋ itɔhɔ ŋkpɔ, ndien eyɔk enaŋ oro itɔŋ ke idim: