DEUTERONOMY 21:3 - Edisana ñwed Abasi Ibom

³ Ndien ama ekem, obio eke ekperede owo oro akpade afai, kpa mbiowo obio oro eyeda abak unam enaŋ, eke owo mikadaha enye inam ŋkpɔ, eke mika-inyuŋ idudike ke ɔkpɔnɔ;

DEUTERONOMY 21:3 ပူးပေါင်းရင်းမြစ်များ

JEREMIAH 31:18

Ŋkokop nte Ephraim atuade idem esie, ete, Afo ɔkɔtunɔ mi, ndien ŋkop; ntunɔ, nte abak enaŋ eke mimeheke: kabare mi, ndien nyekabare; koro afo Jehovah edide Abasi mi,

NUMBERS 19:2

ete, Eda ididuot uman enaŋ eke ɔfɔnde ama, minyuŋ ibiomoke ndo, eke akanam minyuŋ ikɔŋɔke ɔkpɔnɔ, enɔ fi:

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.

DEUTERONOMY 21:2

ndien yak mbiowo fo ye mme ebierikpe fo ewɔrɔ, eka ekedomo esim obio eke ekande owo oro akpade afai ekuk.

DEUTERONOMY 21:4

ndien yak mbiowo oro eda uman enaŋ oro esuhɔre ke ebedeŋ eke enyenede idim, eke owo mifuŋke isɔŋ, minyuŋ itɔhɔ ŋkpɔ, ndien eyɔk enaŋ oro itɔŋ ke idim:

ŊWED MBON PHILIPPI 2:8

Enye ɔsuhɔre idem, akabare osuk ibuot tutu ɔsuŋɔ ke mkpa, kpa mkpa cross.

1 SAMUEL 6:7

Mbufo enam ndien obufa ukpat-ŋkpɔ kiet, enyuŋ eda uman enaŋ iba eke enɔde mmɔŋ-eba, eke mika ikɔŋɔke mmɔ ɔkpɔnɔ kaŋa, ndien etebe enaŋ oro edian ke ukpat ŋkpɔ, enyuŋ ebɔ mmɔ nditɔ mmɔ,