DEUTERONOMY 21:21 - Edisana ñwed Abasi Ibom

²¹ Ndien yak kpukpru mbio-obio mmɔ etɔŋɔ enye ke itiat ewot. Ntem ke afo edisio idiɔk ke otu fo efep; ndien ofuri Israel eyekop, enyuŋ edikhe.

DEUTERONOMY 21:21 ပူးပေါင်းရင်းမြစ်များ

2 SAMUEL 18:17

Ndien mmɔ eda Absalom eduɔk ke akamba obube ke akai oro, enyuŋ ekubi enye ata akamba ebok itiat ke idem: kpukpru nditɔ Israel enyuŋ efeŋe eka ke mme tent mmɔ.

EXODUS 21:17

Ndien owo eke osuŋide ete esie mme eka esie, okutre ndikpa.

MME ŊKE 30:17

Ama edi enyin eke esuenede ete, onyuŋ esede eka ke ndek, minyuŋ ikopke uyo esie, mme raven ke itihere eyekɔŋ enye; nditɔ ntrukpom eyenyuŋ eta enye.

LEVITICUS 20:2

Owo ekededi ke otu nditɔ Israel, ye ke otu isen emi eduŋde ke Israel, eke adade eyen esie ɔnɔ Molech, enyene ndikpa: yak mbio-obio etɔŋɔ enye ke itiat.

LEVITICUS 20:27

Ndien ŋko eren mme ŋwan, eke ekpo odude mmɔ ke idem, mme eke edide abia-idiɔŋ, enyene ndikpa mkpa: yak etɔŋɔ mmɔ ke itiat; iyip mmɔ ɔsɔp mmɔ.

LEVITICUS 24:14

Da andisuŋi oro wɔrɔ ke edem nna, ndien yak kpukpru owo emi ekopde, eda ubɔk mmɔ edori enye ke ibuot, ndien yak ofuri esop etɔŋɔ enye ke itiat.

LEVITICUS 24:16

Ndien ŋko owo eke abiatde enyiŋ Jehovah, enyene ndikpa, yak ofuri esop etɔŋɔ enye ke itiat: edide esen owo, onyuŋ edide eyen isɔŋ, ke ini enye abiatde enyiŋ Jehovah, enye enyene ndikpa.

NUMBERS 15:25

Ntem ke oku edisio isop ɔnɔ ofuri esop nditɔ Israel, ndien eyedahado enɔ mmɔ: koro enye edide ndudue: ntem ke mmɔ edida enɔ mmɔ, kpa uwa ikaŋ Jehovah, ye uwa idiɔk ido mmɔ ŋko-ŋko, edi ke iso Jehovah, ke ikɔ ndudue mmɔ:

NUMBERS 15:35

Ndien Jehovah ɔdɔhɔ Moses, ete, Owo oro enyene ndikpa: yak ofuri esop eketɔŋɔ enye ke itiat ke edem nna.

NUMBERS 15:36

Ndien ofuri esop emum enye ewɔŋɔ eka ke edem nna, eketɔŋɔ enye ke itiat, ewot; kpa nte emi Jehovah eketemede Moses.

1 ŊWED CORINTH 5:13

Esio oburobut owo oro ke otu mbufo efep.

DEUTERONOMY 13:12

Ke adaŋemi afo edikopde ke obio fo kiet, emi Jehovah Abasi fo ɔnɔde fi ete oduŋ ke esit, ete,

DEUTERONOMY 13:5

Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 13:6

Ke adaŋemi eyen-uka, mme eyen-eren fo, mme eyen fo aŋwan, mme ŋwan ikpanesit fo, mme ufan fo emi etiede nte ukpɔŋ fo, edinukde fi ke ndibe-ndibe, ete, Yak nnyin ika ikanam ido mme abasi efen, eke afo, ye mme usɔ mikɔfiɔkke;

DEUTERONOMY 17:5

ndien sio eren oro mme ŋwan oro akanamde idiɔk ido oro, di ke usuŋ obio fo, kpa eren oro mme ŋwan oro, nyuŋ tɔŋɔ mmɔ ke itiat wot.

DEUTERONOMY 17:7

Yak ubɔk mme ntiense ebem iso edoro enye ke idem ndiwot enye, ndien ubɔk kpukpru owo etiene. Ke ntre ke afo edisio idiɔk ido ke otu fo efep.

DEUTERONOMY 21:20

ndien yak mmɔ edɔhɔ ye mbiowo obio mmɔ, ete, Eyen nnyin emi edi itun, onyuŋ ɔsɔŋɔ enyin, ikopke uyo nnyin; enye edi owo ndion ye owo mmin.

DEUTERONOMY 22:21

ndien yak mmɔ eda eyen-aŋwan ewɔŋɔ ke enyin-usuŋ ufɔk ete esie, mbio-obio mmɔ enyuŋ etɔŋɔ enye ke itiat ewot: koro enye ama anam ɔburɔbut ido ke Israel, ke erika owo ke ufɔk ete esie: ntre ke afo edisio idiɔk ido ke otu fo efep.

DEUTERONOMY 22:24

mbufo emum mmɔ mbiba ewɔŋɔ ke inua-otop obio oro eketɔŋɔ mmɔ ke itiat ewot; eyen-aŋwan, koro enye mifiorike ke obio; ye eren oro, koro enye asabarede ŋwan mbɔhiduŋ esie: ntem ke afo edisio idiɔk ido ke otu fo efep.