DEUTERONOMY 21:18 - Edisana ñwed Abasi Ibom

¹⁸ Ke ini owo edinyenede eyen itun ye eke usɔŋ-enyin, eke mikopke ete esie ye eka esie uyo, ndien mmɔ ema enyuŋ enɔ enye ufen, edi enye mikopke uyo mmɔ:

DEUTERONOMY 21:18 ပူးပေါင်းရင်းမြစ်များ

2 SAMUEL 7:14

Ami nyedi ete esie, ndien enye eyedi eyen mi; emi ke ini enye anamde ukwaŋ ido, nyeda eto owo, ye ikpa eyen owo ntunɔ enye:

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

EXODUS 21:15

Ndien owo eke oyibide ete esie mme eka esie, okutre ndikpa.

EXODUS 21:17

Ndien owo eke osuŋide ete esie mme eka esie, okutre ndikpa.

MME ŊKE 1:8

Eyen mi, kop item usɔ, kunyuŋ ukpɔŋ mbet uka:

MME ŊKE 13:24

Osuk eto esie asua eyen esie: edi ama eyen abak ɔtunɔ eyen.

MME ŊKE 15:5

Ndisime owo asua item ete esiemɔ: edi owo eke onimde ibuot ke esuade enɔ enye ɔwɔrɔ ɔniɔŋ.

MME ŊKE 19:18

Tunɔ eyen fo ke ini idorienyin odude; kunyuŋ uyak esit fo oyom enye ndiwot.

MME ŊKE 20:20

Owo ama osuŋi ete esie ye eka esie, utuenikaŋ esie eyenime ke mkpɔsɔŋ eyo.

MME ŊKE 22:15

Ndisime ido eyire ke esit eyenɔwɔŋ: eto item eyebin enye efep ɔkpɔŋ enye anyan usuŋ.

MME ŊKE 28:24

Owo eke obumede ŋkpɔ ete esie, ye ŋkpɔ eka esie, ndien ɔdɔhɔ, ete, “Idiɔk ŋkpɔ iduhe ke esit”: enye edi nsaŋa ŋŋwo.

MME ŊKE 29:17

Tunɔ eyen fo, ndien enye eyenɔ fi nduɔk-odudu, onyuŋ adat fi esit.

MME ŊKE 30:11

Emana odu eke esuŋide ete mmɔ, ndien mikɔmke eka mmɔ.

MME ŊKE 30:17

Ama edi enyin eke esuenede ete, onyuŋ esede eka ke ndek, minyuŋ ikopke uyo esie, mme raven ke itihere eyekɔŋ enye; nditɔ ntrukpom eyenyuŋ eta enye.

ISAIAH 1:2

Mbufo enyɔŋ ekop, isɔŋ nyuŋ kpaŋ utɔŋ: koro Jehovah ɔdɔhɔde: Mbɔk, nnyuŋ ŋkɔ nditɔ, ndien mmɔ emekabare esɔŋ ibuot ye ami.

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

JEREMIAH 31:18

Ŋkokop nte Ephraim atuade idem esie, ete, Afo ɔkɔtunɔ mi, ndien ŋkop; ntunɔ, nte abak enaŋ eke mimeheke: kabare mi, ndien nyekabare; koro afo Jehovah edide Abasi mi,

JEREMIAH 5:23

Ndien mbio emi enyene esit emiom ye eke nsɔŋibuot, mmɔ emekabare enyuŋ edaŋa.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

EZEKIEL 22:7

Mmɔ ese ete ye eka ke ndek ke ufɔt fo: enam esen owo nnama ke ufɔt fo: efik ebe-akpa ye eyen-akpa ke ufɔt fo.

EZEKIEL 24:13

Oburobut ido odu ke ndek fo: koro nnamde fi edi edisana, ndien afo usanake, idisioho aba fi ndek fo ke idem inam asana, tutu nda ifuresit mi ndori fi ke idem.

LEVITICUS 19:3

Kpukpru mbufo ebak eka mbufo ye ete mbufo, enyuŋ enim mme sabbath mi: ami ndi Jehovah Abasi mbufo.

LEVITICUS 21:9

Ndien ŋko, eyen oku aŋwan ama asabare idem esie ke erisaŋa akpara, enye asabare ete esie: yak efɔp enye ke ikaŋ.

DEUTERONOMY 21:19

ndien yak ete esie ye eka esie emum enye ɔwɔrɔ, eda esɔk mbiowo obio mmɔ, ke enyin-usuŋ ebiet mmɔ;

DEUTERONOMY 27:16

Ɔdɔdiɔk ɔnɔ owo eke esinde ete esie ye eka esie ke ndek. Ndien yak kpukpru owo edɔhɔ ete, Amen.

DEUTERONOMY 8:5

Fiɔk ndien ke esit fo, ete ke nte owo ɔtunɔde eyen esiemɔ, kpa ntre ke Jehovah Abasi fo ɔtɔtunɔ fi.

1 SAMUEL 3:13

Ŋkɔm mma ntiŋ nnɔ enye, nte ke ami ndinam ikɔ ye ufɔk esie tutu amama, mbaŋa mme oburobut ido emi enye ɔfiɔkde: emi nditɔ esie esinde idem mmɔ edi ŋkpɔ isuŋi, ndien enye mikakpanke mmɔ.