DEUTERONOMY 21:17 - Edisana ñwed Abasi Ibom

¹⁷ edi yak enye ɔdiɔŋɔ eyen aŋwan usua ke akpan, ke erinɔ enye udeme kpukpru inyene esie mbiba: koro enye edide akpa odude esie; itie akpan enyene enye.

DEUTERONOMY 21:17 ပူးပေါင်းရင်းမြစ်များ

GENESIS 49:3

Reuben! afo edi akpan mi, odudu mi, ye eritɔŋɔ nsɔŋ-idem mi akpan uforo, ye akpan nsɔŋ:

2 NDIDEM 2:9

Edikem ke adaŋemi mmɔ ema ekebe, Elijah ɔdɔhɔ Elisha, ete, Siak se ndinamde nnɔ fi, ke mika-imenke mi kaŋa ibɔ fi. Ndien Elisha ɔdɔhɔ ete, Mbɔk, yak nnyene udeme spirit fo iba.

2 CHRONICLES 21:3

Ndien ete mmɔ ɔnɔ mmɔ ikpɔ enɔ silver, ye gold, ye ŋkpɔ-uto, ye obio ibibene ke Judah: edi ɔnɔ Jehoram itie edidem: koro enye edide akpan.

ŊWED MME PSALM 105:36

Ndien enye owot kpukpru mme akpan ke isɔŋ mmɔakpa mfri odudu mmɔ.

LUKE 15:12

ndien udɔ ɔdɔhɔ ete esie ete, Ete, nɔ mi udeme ŋkpɔ eke edinyenede mi. Ntem ke ete edeme inyene esie ɔnɔ mmɔ.

DEUTERONOMY 21:16

ndien ama ekem, ke usen eke enye edidemede inyene esie ɔnɔ nditɔ esie, enye okunim eyen aŋwan ima ke itie akpan ɔkpɔŋ eyen aŋwan usua eke edide ata akpan:

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,