DEUTERONOMY 20:5 - Edisana ñwed Abasi Ibom

⁵ Ndien yak mme andidaha edɔhɔ ye kpukpru owo, ete, Anie owo odu mi emi ɔkɔbɔpde ɔbufa ufɔk, ndien mika-iberekede usuŋ ufɔk? Yak enye afiak ɔnyɔŋ ke ufɔk esie, mbak enye edikpa ke ekɔŋ, ndien owo efen edika ekeberede usuŋ ufɔk.

DEUTERONOMY 20:5 ပူးပေါင်းရင်းမြစ်များ

NEHEMIAH 12:27

Ndien ke ini mmɔ enimde ibibene Jerusalem enɔ Abasi, mmɔ eyom mme Levite ke kpukpru ebiet mmɔ, man eda mmɔ edi ke Jeusalem, man enim ibibene ke idara, ye ke ekɔm, ye ke ikwɔ, ye ke cymbal, ye psaltery, ye harp.

ŊWED MME PSALM 30:1

NYEKPONO fi, O Jehovah; koro afo emenerede mi onim ke enyɔŋ; ndien muyakke mme asua mi edat esit ebaŋa mi.

NUMBERS 31:14

Ndien Moses ɔtɔhɔ ye mme andidaha mbon ekɔŋ, mme etubom mme tɔsin, ye mme etubom mme ikie, emi eketode ke itie ekɔŋ.

NUMBERS 31:48

Ekem mme ndidaha mme tɔsin mbon ekɔŋ, kpa mme etubom mme tɔsin, ye mme etubom mme ikie, eto edi ke ɔtɔ Moses:

DEUTERONOMY 1:15

Ndien nda ikpɔ owo mme esien mbufo, mbɔŋ eti ibuot, emi enyuŋ efiɔkde ŋkpɔ, nnim mmɔ ke mbɔŋ mbufo, mme etubom mme tɔsin, ye mme etubom mme ikie, ye mme etubom mme aba ye duop, ye mme etubom mme duop, ye mme andidaha owo ke mme esien mbufo.

DEUTERONOMY 16:18

Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

DEUTERONOMY 20:6

Ndien anie owo odu mi emi ɔkɔtɔde iŋwaŋ vine ndien mikadiaha kaŋa mfri esie? Yak enye onyuŋ afiak ɔnyɔŋ ke ufɔk esie, mbak enye edikpa ke ekɔŋ, ndien owo efen edika akadia mfri esie.

1 SAMUEL 17:18

nyuŋ da mbak cheese duop emi sɔk etubom tɔsin mmɔ, nyuŋ se nte nditɔ-usɔ etiede, nyuŋ bɔ mmɔ ŋkpɔ ubiɔŋ mmɔ.