DEUTERONOMY 20:3 - Edisana ñwed Abasi Ibom

³ yak enye ɔdɔhɔ mmɔ ntem, ete, O Israel, mbufo ekop, mbufo emɔŋ esaŋa ekpere ndiŋwana ekɔŋ ye mme asua mbufo mfin emi: ekuyak esit emem mbufo, ekudikhe ekunyuŋ enyek idem, ekunyuŋ eyak nsia oyomo mbufo ke iso mmɔ;

DEUTERONOMY 20:3 ပူးပေါင်းရင်းမြစ်များ

2 CHRONICLES 32:8

ubɔk obuk-idem odu ye enye; edi Jehovah Abasi nnyin odu ye nnyin ndinyaŋa nnyin, ndinyuŋ ŋŋwana ekɔŋ nnyin. Ndien mbio-obio ebere idem ke ikɔ Hezekiah edidem Judah.

ŊWED JOB 23:16

Ndien Abasi anam esit emem mi, Abasi Ibom onyuŋ esin mi ndik:

ŊWED MME PSALM 3:6

Ndifeheke mme tɔsin owo duop eke ekande mi ekuk enam ikɔ ye ami.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

ISAIAH 7:4

nyuŋ dɔhɔ enye, ete, Kpeme idem, nyuŋ tie suŋ; kudikhe, kunyuŋ uyak esit emem fi, ubaŋa etak ifia ikaŋ iba emi ewɔrɔde nsuŋikaŋ, ubaŋa ikaŋ iyaresit Rezin ye Syria, ye eke eyen Remaliah.

NUMBERS 14:9

Edi mbufo ekutun itun ye Jehovah, ekunyuŋ efehe nditɔ isɔŋ oro: koro mmɔ edi udia nnyin: iberedem mmɔ amakabare ɔkpɔŋ mmɔ, ndien Jehovah odu ye nnyin; mbufo ekufehe mmɔ.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MATTHEW 10:31

Ekufehe ndien; mbufo emesɔŋ urua ekan ediwak ŋkpri inuen.

MATTHEW 8:26

Enye ete mmɔ, Nsinam mbufo efehede ndik, O mbufo nditɔ ekpri mbuɔtidem? Ekem Enye adaha ke enyɔŋ, asua ɔnɔ ofim ye inyaŋ; inyaŋ onyuŋ ana suŋ.

MARK 16:18

eyemen urukikot ke ubɔk; onyuŋ edieke mmɔ eŋwɔŋde ŋkpɔ ekededi eke abiatde uwem, ididiɔkke ye mmɔ; mmɔ eyedori mbon-udɔŋɔ ubɔk, ndien mmɔ oro eyekop nsɔŋidem.

MARK 16:6

Edi enye ɔdɔhɔ mmɔ ete, Ekuyak idem akpa mbufo: mbufo eyom Jesus eyen Nazareth, emi ekewotde ke cross: Enye emeset Enye iduhe mi ese ebiet emi ekenimde Enye.

UTOM MME APOSTLE 27:24

afo enyene ndika ke iso Caesar: ndien sese, Abasi ayak kpukpru mmɔ emi ewatde ye afo ɔnɔ fi.

DEUTERONOMY 1:21

Sese Jehovah Abasi fo omonim isɔŋ oro ke iso fo: dɔk kada enye nyene, kpa nte Jehovah Abasi mme usɔ ɔkɔdɔhɔde fi; kufehe, kunyuŋ uduɔ esit.

DEUTERONOMY 20:1

KE adaŋemi afo ediwɔrɔde aka ekɔŋ ye mme asua fo, edinyuŋ okutde mme horse, ye mme chariot, ye mbon ekɔŋ ewakde ekan fi, kubak mmɔ: koro Jehovah Abasi fo emi okosiode fi ke isɔŋ Egypt, ododu ye afo.

DEUTERONOMY 20:2

Ndien ama ekem ke ini mbufo esaŋade ekpere itie ekɔŋ, yak oku oto edi edidɔhɔ kpukpru owo;

1 ŊWED THESSALONICA 5:15

Ekpeme ekuyak owo ada idiɔk osio owo usiene idiɔk; edi kpukpru ini ebine se ifɔnde, owo anam ntre ye kiet eken, onyuŋ anam ntre ye kpukpru owo.

1ŊWED TIMOTHY 6:12

Ŋwana eti eŋwan mbuɔtidem; sɔŋɔ mum nsinsi uwem kama, emi ekokotde fi edida enyene, afo okonyuŋ etiŋ eti ikɔ mbuɔtidem ke iso ediwak ntiense.

MME HEBREW 13:6

Ntre ke nnyin imekeme ndisɔŋɔ esit ndɔhɔ ete, Jehovah edi Andiŋwam mi, ndifeheke ndik: Nso ke owo edikeme ndinam mi?

JOSHUA 23:10

Owo mbufo kiet eyebine tɔsin: koro edi Jehovah Abasi mbufo aŋwana ekɔŋ ɔnɔ mbufo, kpa nte enye ɔkɔdɔhɔde mbufo.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

1 SAMUEL 17:32

Ndien David ɔdɔhɔ Saul, ete, Kuyak esit ɔduɔ baba owo kiet abaŋa enye; owo fo eyeka akaŋwana ye Philistine emi.