DEUTERONOMY 20:20 - Edisana ñwed Abasi Ibom

²⁰ Edi ama edi eto emi afo ɔfiɔkde ete idige eto eke ediade, biat enye, nyuŋ kpeŋe enye duɔk, da nam ɔkɔ ekɔŋ ke obio eke aŋwanade ekɔŋ ye afo, tutu enye ɔsuhɔre.

DEUTERONOMY 20:20 ပူးပေါင်းရင်းမြစ်များ

2 NDIDEM 3:19

Ndien mbufo eyesuan kpukpru obio ibibene, ye kpukpru obio eke eyede, enyuŋ eduɔk kpukpru nti eto, enyuŋ esiri kpukpru obube mmɔŋ, enyuŋ eda itiat ebiat kpukpru nti iŋwaŋ.

2 CHRONICLES 26:15

Ndien ke Jerusalem enye onyuŋ anam ŋkpɔ emi otode mbon-usɔ ke ibuot, man edori mmɔ ke tower, ye ke inuk ibibene, man etop idaŋ ye ikpɔ itiat. Ndien etop esie ɔwɔrɔ osim anyan idut; koro eŋwamde enye ndyɔ-ndyɔ, tutu enye ɔsɔŋɔ.

ECCLESIASTES 9:14

Ekenyene ekpri obio kiet, ndien mbio eke edude ke esit iwakke; ndien akamba edidem kiet aka ekɔŋ ye enye, onyuŋ akan enye okuk, onyuŋ anam akamba tower ekem ye enye.

ISAIAH 37:33

Mmɔdo ntem ke Jehovah ɔdɔhɔ abaŋa edidem Assyria, ete, Enye ididukke ke obio emi, idinyuŋ itopke idaŋ do, idinyuŋ idaha otu-ekɔŋ idi enye ke iso, idinyuŋ ikubike ibombom inɔ enye.

JEREMIAH 33:4

Koro ntem ke Jehovah Abasi Israel ɔdɔhɔ, abaŋa ufɔk obio emi, ye ufɔk ndidem Judah emi ekewuride enɔ ibombom ye ofut;

JEREMIAH 6:6

Koro ntem ke Jehovah mme udim ɔdɔhɔ, ete, Mbufo ekpeŋe eto, enyuŋ ekubi akwa ibombom ke ɔtɔ Jerusalem: emi edi obio eke edidade ufen; ŋkanubɔk ɔyɔhɔ enye kpukpru.

EZEKIEL 17:17

Ndien Pharaoh ŋko ididaha akwa udim ye ediwak otu owo inam ŋkpɔ inɔ enye ke ekɔŋ, ke erikubi ibombom ye ke erikɔŋ akwa ufɔk ekɔŋ, man esibe ediwak ukpɔŋ efep:

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

DEUTERONOMY 20:19

Ke adaŋemi afo edikande obio okuk ediwak usen, ke eriŋwana ekɔŋ ye enye man ada enye, kusobo eto esie ke erikpeŋe mmɔ ke ekuri: koro afo ekemede ndidia (mfri) mmɔ: kukpeŋe mmɔ uduɔŋɔ ndien: koro nte eto iŋwaŋ edi owo naŋa eke odukde ke itie ukuk obio ke iso fo?

DEUTERONOMY 21:1

KE adaŋemi edikutde okpo owo eke akpade afai ke isɔŋ emi Jehovah Abasi fo ɔnɔde fi, ete ada enye enyene, nte enye anade ke ikɔt, ndien mifiɔkke owo emi okowotde enye: