DEUTERONOMY 20:19 - Edisana ñwed Abasi Ibom

¹⁹ Ke adaŋemi afo edikande obio okuk ediwak usen, ke eriŋwana ekɔŋ ye enye man ada enye, kusobo eto esie ke erikpeŋe mmɔ ke ekuri: koro afo ekemede ndidia (mfri) mmɔ: kukpeŋe mmɔ uduɔŋɔ ndien: koro nte eto iŋwaŋ edi owo naŋa eke odukde ke itie ukuk obio ke iso fo?

DEUTERONOMY 20:19 ပူးပေါင်းရင်းမြစ်များ

2 NDIDEM 3:19

Ndien mbufo eyesuan kpukpru obio ibibene, ye kpukpru obio eke eyede, enyuŋ eduɔk kpukpru nti eto, enyuŋ esiri kpukpru obube mmɔŋ, enyuŋ eda itiat ebiat kpukpru nti iŋwaŋ.

2 NDIDEM 3:25

Mmɔ enyuŋ ewuri mme obio, kpukpru owo kiet kiet enyuŋ emen itiat mmɔ etop esin ke kpukpru nti iŋwaŋ eyɔhɔ; enyuŋ esiri kpukpru obube mmɔŋ, enyuŋ eduɔk kpukpru nti eto: edi ke Kir-hareseth ikpɔŋ-ikpɔŋ ke mme itiat esie esuk ke esit; edi mbon-utop-itiat ekan enye ekuk, enyuŋ etɔŋɔ enye.

JEREMIAH 6:6

Koro ntem ke Jehovah mme udim ɔdɔhɔ, ete, Mbufo ekpeŋe eto, enyuŋ ekubi akwa ibombom ke ɔtɔ Jerusalem: emi edi obio eke edidade ufen; ŋkanubɔk ɔyɔhɔ enye kpukpru.

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

MATTHEW 3:10

Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

DEUTERONOMY 20:18

mbak mmɔ edikpep mbufo edinam kpukpru mbubiam mmɔ, emi mmɔ enamde enɔ mme abasi mmɔ; mbak mbufo edidue Jehovah Abasi mbufo.

DEUTERONOMY 20:20

Edi ama edi eto emi afo ɔfiɔkde ete idige eto eke ediade, biat enye, nyuŋ kpeŋe enye duɔk, da nam ɔkɔ ekɔŋ ke obio eke aŋwanade ekɔŋ ye afo, tutu enye ɔsuhɔre.

DEUTERONOMY 26:6

ndien Egypt ediɔk ye nnyin, enyuŋ efik nnyin, enyuŋ eda idiɔk itie ufin edori nnyin: