DEUTERONOMY 2:25 - Edisana ñwed Abasi Ibom

²⁵ Mfin emi mmɔŋ ntɔŋɔ ndinam ndik fo ye uteŋe fo edoro mme idut ke idak ofuri ikpa enyɔŋ, eke edikopde etop fo, ndien mmɔ eyenyek idem, enyuŋ eyomo nsia ebaŋa fi.

DEUTERONOMY 2:25 ပူးပေါင်းရင်းမြစ်များ

GENESIS 35:5

Ndien mmɔ esaŋa eka: ndik Abasi onyuŋ odoro obio oro ekande mmɔ ekuk, ndien mmɔ ibineke nditɔ Jacob.

1 CHRONICLES 14:17

Ndien enyiŋ David asuana ke kpukpru mme idut: Jehovah onyuŋ anam kpukpru mme idut ebak enye.

ŊWED MME PSALM 105:38

Esit adat Egypt ke ini mmɔ ewɔŋɔde; koro uteŋe mmɔ odorode mmɔ ke idem.

EXODUS 23:27

Nyedɔŋ uteŋe mi ebem fi iso, nnyuŋ ntimere kpukpru owo emi afo edikade ebiet mmɔ; nnyuŋ nnam kpukpru mme asua fo ekpa edem enɔ fi.

JEREMIAH 33:9

Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

NUMBERS 22:3

Ndien Moab edikhe eti-eti abaŋa mbon oro: koro mmɔ ewakde: ndik onyuŋ anam Moab abaŋa nditɔ Israel.

DEUTERONOMY 11:25

Baba ofuri owo kiet idikemeke ndida ke iso mbufo: Jehovah Abasi mbufo eyenam kpukpru mme idut emi mbufo edisaŋade ke esit, ebak mbufo, enyuŋ edikhe mbufo, kpa nte enye ɔkɔdɔhɔde mbufo.

DEUTERONOMY 28:10

Ndien kpukpru mme idut ke ererimbot eyekut nte afo ekerede enyiŋ Jehovah; ndien ndik fo eyenam mmɔ.

JOSHUA 10:2

koro Gibeon edide akwa obio, nte obio edidem kiet; koro enye onyuŋ okponde akan Ai, kpukpru iren-owo esie enyuŋ edi mbon uko.

JOSHUA 9:24

Ndien mmɔ ebɔrɔ Joshua, ete, Koro mmɔ eketiŋde enɔ nnyin ikɔt fo, nte Jehovah Abasi fo okowukde Moses owo esie ndida ofuri edem emi nnɔ mbufo, nnyuŋ nsobo kpukpru mme andiduŋ edem emi ke iso mbufo mfep, ndien oto mbufo nnyin idikhe eti-eti ibaŋa uwem nnyin, ndien inam ŋkpɔ emi.

ERIYARARE 3:9

Sese, mmɔnɔ mmɔ emi etode synagogue Satan, emi edɔhɔde ete mme imɔ idi mme Jew, ndien mmɔ idige, edi esosu; sese, nyenam mmɔ edi edituak ibuot ke ukot fo, enyuŋ efiɔk ete, Ami ŋkamama fi.