DEUTERONOMY 18:5 - Edisana ñwed Abasi Ibom

⁵ Koro Jehovah Abasi fo ama emek enye osio ke ofuri mme esien fo, ndida nnam ŋkpɔ ke enyiŋ Jehovah, enye ye nditɔ-iren esie ke nsinsi.

DEUTERONOMY 18:5 ပူးပေါင်းရင်းမြစ်များ

EXODUS 29:9

nyuŋ sine mmɔ frock. Nyuŋ kpaha mmɔ ubɔp-isin, Aaron ye nditɔ esie, nyuŋ yara mmɔ uyaribuot. Ndien itie oku edidi itie eke mmɔ ke nsinsi ewuhɔ; ntem ke afo ediyɔhɔ Aaron ye nditɔ esie ubɔk.

NUMBERS 16:5

Ndien ɔdɔhɔ Korah, ye kpukpru nsaŋa esie, ete, Eyo esiere, Jehovah eyewut eke edide esiemɔ, ye eke onyuŋ asanade: eyenyuŋ ada enye adian ke idem: enye eyeda owo eke enye edimekde adian ke idem.

NUMBERS 25:13

ndien enye eyena ɔnɔ enye ye ubon esie emi editenede enye ke nsinsi ediomi itie oku: ke usiene emi enye okofibede ufup Abasi esie, onyuŋ osiode isop ɔnɔ nditɔ Israel.

NUMBERS 3:10

Nyuŋ nim Aaron ye nditɔ esie, ete etiŋ enyin ke idaha oku mmɔ; ndien esen owo eke asaŋade ekpere enyene ndikpa.

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.