DEUTERONOMY 18:20 - Edisana ñwed Abasi Ibom

²⁰ Edi ama edi prophet eke edisɔŋde ibuot ada ikɔ eke mmeŋketemeke enye nte ɔdɔhɔ, ɔdɔhɔ ke enyiŋ mi, ye eke ɔdɔhɔde ikɔ ke enyiŋ mme abasi efen, yak ewot kpa prophet oro.

DEUTERONOMY 18:20 ပူးပေါင်းရင်းမြစ်များ

1 NDIDEM 13:19

Ntre ke enye etiene enye afiak, aka akadia ŋkpɔ ke ufɔk esie, onyuŋ ɔŋwɔŋ mmɔŋ.

1 NDIDEM 18:19

Kam dɔŋ ekebon ofuri Israel enɔ mi ke obot Carmel, ye mme prophet Baal ikie inaŋ ye aba ye duop, ye mme prophet Asherah owo ikie inaŋ emi ediade ŋkpɔ ke okpokoro Jezebel.

1 NDIDEM 18:27

Edikem ke ufɔt uwemeyo, ndien Elijah abiaŋa mmɔ, onyuŋ ɔdɔhɔ, ete, Mbufo esɔŋ uyo ekot: koro enye edide abasi; koro enye etiede ekere: koro enye awahade aka ŋkpɔ koro enye adade isaŋ; mme enye ede idap, ndien enyene nditatuak enye.

1 NDIDEM 18:40

Ndien Elijah ɔdɔhɔ ete, Mbufo emum mme prophet Baal; ekuyak baba owo mmɔ kiet ɔbɔhɔ. Ndien mmɔ emum mmɔ: Elijah onyuŋ ada mmɔ ɔsuhɔre ke akpa Kishon, onyuŋ owot mmɔ do.

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

JEREMIAH 23:30

Jehovah ɔdɔhɔ ete, Mmɔdo, sese, ami mmɔŋ nnam ikɔ ye mme prophet, emi eyipde ikɔ mi kiet ye mbɔhiduŋ esie.

JEREMIAH 23:31

Jehovah ɔdɔhɔ ete, Sese, ami mmɔŋ nnam ikɔ ye mme prophet emi edade edeme mmɔ edɔhɔ, ete, Enye ɔdɔhɔ.

JEREMIAH 26:11

Ndien mme oku ye mme prophet edɔhɔ ye mbɔŋ ye ofuri mbio-obio, ete, Owo emi emedue isop mkpa: koro enye ama etiŋ prophecy abaŋa obio emi, kpa nte mbufo ekopde ke utɔŋ mbufo.

JEREMIAH 27:15

Koro midige ami ŋkɔdɔŋ mmɔ utom, Jehovah ɔdɔhɔ, ndien mmɔ etiŋ nsu-nsu o-prophecy esin ke enyiŋ mi; man mbin mbufo mfep, man mbufo enyuŋ etak ye mme prophet emi etiŋde prophecy enɔ mbufo.

EZEKIEL 13:6

Mme mmɔ emi edɔhɔde ete, “Uyo Jehovah,” ndien Jehovah mikɔdɔŋke mmɔ utom, ekut abiaŋa ye nsunsu mfa: edi mmɔ esin owo edori enyin, ete ke mmɔ eyenam ikɔ ɔsɔŋɔ ada.

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

ZECHARIAH 13:3

Ndien ama ekem, edieke owo osuk etiŋde prophecy, ndien ete esie ye eka esie emi akamande enye eyedɔhɔ enye, ete, Afo ududuhe uwem, koro afo osude nsu ke enyiŋ Jehovah: ndien ete esie ye eka esie emi akamande enye, eyekim enye ewot, koro enye etiŋde prophecy.

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

DEUTERONOMY 13:6

Ke adaŋemi eyen-uka, mme eyen-eren fo, mme eyen fo aŋwan, mme ŋwan ikpanesit fo, mme ufan fo emi etiede nte ukpɔŋ fo, edinukde fi ke ndibe-ndibe, ete, Yak nnyin ika ikanam ido mme abasi efen, eke afo, ye mme usɔ mikɔfiɔkke;

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.

DEUTERONOMY 18:21

Ndien ke afo ɔdɔhɔde ke esit fo, ete, Nnyin idinam didie ifiɔk ikɔ eke Jehovah mikɔdɔhɔke?

DEUTERONOMY 18:22

Se prophet edidɔhɔde ke enyiŋ Jehovah, ndien ikɔ misuhosu, minyuŋ iwɔrɔkewɔrɔ, oro edi ikɔ eke Jehovah mikɔdɔhɔde, prophet oro ɔdɔhɔ enye ke usɔŋ-enyin: kubak enye.

2 PETER 2:12

Edi mme mmɔ emi, nte ŋkpɔ-uwem eke minyeneke ibuot, eke emanade ke uduot unam, man ekpemum mmɔ ewot, esuŋi ebaŋa se mmɔ mifiɔkke; eyeda nsobo unam esobo mmɔ; mmɔ eyenyuŋ ebɔ idiɔk ke utip idiɔk erinam mmɔ.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

JUDGES 2:15

Ke kpukpru ebiet emi mmɔ ewɔŋɔde eka, ubɔk Jehovah odoro mmɔ ke idem idiɔk-idiɔk, kpa nte Jehovah ɔkɔdɔhɔde, ye nte Jehovah okonyuŋ ɔŋwɔŋɔde ɔnɔ mmɔ: ndien efik mmɔ eti-eti.