DEUTERONOMY 18:18 - Edisana ñwed Abasi Ibom

¹⁸ Nyenam prophet kiet, ebiet fi, adaha ada ke otu nditɔ-ete mmɔ, nyenyuŋ nda ikɔ mi nsin enye ke inua; ndien enye eyeda kpukpru se ami ntemede enye etiŋ ɔnɔ mmɔ.

DEUTERONOMY 18:18 ပူးပေါင်းရင်းမြစ်များ

ŊWED MME PSALM 110:4

Jehovah ɔmɔŋwɔŋɔ, idinyuŋ ituaha mkpɔfiɔk, Afo edi nsinsi oku, nte utɔ Melchizedek asaŋade.

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

EXODUS 4:12

Nte idige ami Jehovah? Ka ndien, ami nyenyuŋ ndu ye inua fo, nnyuŋ nteme fi se afo edidɔhɔde.

EXODUS 4:15

Ndien afo editiŋ ɔnɔ enye, onyuŋ ada ikɔ oro esin enye ke inua: ami nyenyuŋ ndu ye inua fo, ye inua esie, nnyuŋ nteme mbufo se mbufo edinamde.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

ISAIAH 51:16

Ŋkonyuŋ nsin fi ikɔ mi ke inua, nnyuŋ mfuk fi ke mfut ubɔk mi, man afo eneŋere ikpa-enyɔŋ, onyuŋ owuk isɔŋ ke itie esie, onyuŋ ɔdɔhɔ Zion, ete, Afo edi ikɔt mi.

ISAIAH 51:4

Ikɔt mi, mbufo ekpaŋ utɔŋ enɔ mi; mbio-obio mi, mbufo enyuŋ ekop uyo mi: koro ewuhɔ eyeto mi ɔwɔrɔ, nyenyuŋ ŋwuk ikpe mi nnim ke uŋwana mme idut.

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

HOSEA 12:14

Ephraim akayat enye esit idige ŋkpɔ: ndien Ɔbɔŋ esie eyeyak iyip esie ɔsɔp enye, onyuŋ osio usiene but esie ye enye.

AMOS 2:11

Ndien nda ndusuk nditɔ-iren mbufo nnim ke prophet, nda ndusuk mkparawa mbufo nnim ke Nazirite. Nte idighe kpa ntre, mbufo nditɔ Israel? Emi edi uyo Jehovah.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

NUMBERS 12:13

Ndien Moses eseme ɔnɔ Jehovah ete, Mbɔk, Abasi, nam udɔŋɔ okure enye ndien.

NUMBERS 23:16

Ndien Jehovah edisobo ye Balaam, onyuŋ esin enye ikɔ ke inua, onyuŋ ɔdɔhɔ ete, Fiak tiene Balak, nyuŋ tiŋ ntem.

NUMBERS 23:5

Ndien Jehovah esin Balaam ikɔ ke inua, onyuŋ ɔdɔhɔ ete, Fiak edem tiene Balak, nyuŋ dɔhɔ ntem.

LUKE 24:19

Jesus ɔdɔhɔ mmɔ ete, Nso idi oro? Mmɔ edɔhɔ Enye, Se ibaŋade Jesus emi otode ke Nazareth, emi ekedide prophet eke enyenede odudu ke ubɔk-utom ye ke ikɔ-inua ke iso Abasi ye ke iso kpukpru mbio-obio:

JOHN 1:21

Ekem mmɔ ebup enye ete, Edi anie ndien? Edi Elijah? Enye ete, Ndige. Nte edi prophet oro? Enye ɔbɔrɔ ete, Baba.

JOHN 1:25

Mmɔ edibup enye ndien ete, Nsinam afo onimde owo baptism naŋa, edieke afo mudige Christ, munyuŋ udige Elijah, munyuŋ udige prophet oro?

JOHN 1:45

Philip okut Nathanael, onyuŋ ɔdɔhɔ enye ete, Nnyin imokut Enye, emi Moses ekewetde abaŋa Enye ke ibet, mme prophet ekonyuŋ ewetde ebaŋa, kpa Jesus eyen Joseph, emi otode ke Nazareth.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

JOHN 15:15

Ŋkotke aba mbufo mme asaŋutom, koro asaŋutom mifiɔkke se ete-ufɔk esie anamde; edi ŋkot mbufo mme ufan, koro mma mmen kpukpru se ŋkokopde ke inua Ete Mi nyarare nnɔ mbufo.

JOHN 17:18

Nte Afo ɔkɔdɔŋde Mi ndi ke ererimbot, kpasuk ntre ke Ami ndɔŋ mmɔ eka ke ererimbot.

JOHN 17:8

koro mmayak mme ikɔ emi ɔkɔnɔde Mi nnɔ mmɔ: mmɔ ekɔbɔ mme ikɔ oro, enyuŋ eneŋere efiɔk ete ŋkoto ke ɔtɔ Fo ŋwɔrɔ, enyuŋ enim ke akpanikɔ ete edi Afo ɔkɔdɔŋ Mi.

JOHN 4:25

Ŋwan oro ete Enye, Mmɔfiɔk nte Messiah (emi ekerede Christ) ɔmɔŋ ededi: ke ini Enye edide, Enye eyeŋwaŋade kpukpru ŋkpɔ ɔnɔ nnyin.

JOHN 8:28

Ntre ke Jesus ɔdɔhɔ mmɔ ete, Ke ini mbufo edimenerede Eyen Owo ke enyɔŋ, adaŋoro ke mbufo edifiɔk ete Ami ndi Enye nnyuŋ nnamke ŋkpɔ oto Idem Mi, edi kpa nte Ete ekekpepde Mi, kpa ntre ke ntetiŋ.

UTOM MME APOSTLE 3:22

Ke akpanikɔ Moses ɔkɔdɔhɔ ete, Jehovah Abasi eyenam prophet eke edibietde mi adaha ada ɔnɔ mbufo ke otu nditɔ-ete mbufo; mbufo edikop Enye ke kpukpru se Enye editiŋde ɔnɔ mbufo.

UTOM MME APOSTLE 7:37

Emi edi Moses oro ɔkɔdɔhɔde nditɔ Israel ete, Abasi eyenam prophet, emi edibietde mi, adaha ada ɔnɔ mbufo ke otu nditɔ-ete mbufo.

DEUTERONOMY 18:15

Jehovah Abasi fo eyenam prophet eke edibietde mi, adaha ada ke otu fo ɔnɔ fi: enye ke mbufo edikop enɔ;

DEUTERONOMY 33:5

Enye okonyuŋ edi edidem ke Jeshurun, ke adaŋemi ikpɔ owo obio ye mme esien Israel esopde idem mmɔ ke ɔtɔ kiet.

DEUTERONOMY 34:10

Ndien baba prophet kiet, ebietde Moses, idahake aba ida ke otu Israel, emi Jehovah ɔfiɔkde iso ke iso,

DEUTERONOMY 5:5

(Ami ŋkada ke ufɔt Jehovah ye mbufo ke ini oro, man ntiŋ ikɔ Jehovah nnɔ mbufo: koro ndik ikaŋ oro akanamde mbufo, mufo ikonyuŋ idɔkke obot) ete,

1ŊWED TIMOTHY 2:5

Koro Abasi kiet odu, Ekpe-emem kiet ke ufɔt Abasi ye owo onyuŋ odu, emi ke Idem Esie edide owo, kpa Christ Jesus;

MME HEBREW 7:22

Ada uŋwɔŋɔ anam Enye edi oku); adaŋa ntre ŋko ke Jesus amakabare edi ubiɔŋ ediomi eke ɔfɔnde akan.