13 Fɔn ma nɔ Jehovah Abasi fo.
NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.
Emi edi mbuk emana Noah: Noah enen oyuŋ ɔfɔn ama ke eyo esie,
Yak ofuri esit mbufo ndien edu ye Jehovah Abasi nnyin, man esaŋa ke mme ewuhɔ esie, enyuŋ enim mbet esie, kpa nte etiede mfin emi.
OWO kiet, ekere Job, okodu ke isɔŋ Uz: ndien owo oro ɔfɔn ama, onyuŋ enen, onyuŋ abak Abasi, onyuŋ afara ke idiɔk.
Ndien Jehovah ɔdɔhɔ Satan, ete, Nte afo emetim ese owo mi Job? koro owo eke ebietde enye miduhe ke ererimbot, ɔfɔn ama, onyuŋ enen, onyuŋ abak Abasi, onyuŋ afara ke idiɔk.
Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.
Mbufo efɔn ema ndien, kpa nte Ete mbufo ke heaven ɔfɔnde ama.
Ndɔhɔke nte mmososim mma, me nte mmefɔfɔn mma; edi mmesin ifik mbine, mme eyeto do ŋkpomum se Jesus Christ okomumde mi ete nnyene ŋkama.
Eyak kpukpru nnyin, eke ima ikɔkɔri iwɔrɔ idi owo, inyene oruk esit emi, ndien edieke mbufo enyenede ekikere eke ekpuhɔrede ke se ntetiŋ, Abasi eyeyarare emi ɔnɔ mbufo.
Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;
Kabare kpeme ndien, nyuŋ nam se isuhɔde, eke eyomde ndikpa, esɔŋɔ eda: koro akanam ŋkwe baba utom fo kiet ɔwɔrɔde usuŋ ke iso Abasi Mi.
