DEUTERONOMY 18:10 - Edisana ñwed Abasi Ibom

¹⁰ Kuyak ekut owo ke otu fo eke adade eyen-eren esie, mme eyen esie aŋwan esin ke ikaŋ kuyak ekut abia-idiɔŋ, ye abia-inuen, ye abiamfa, ye abia-ibɔk,

DEUTERONOMY 18:10 ပူးပေါင်းရင်းမြစ်များ

GENESIS 44:5

Nte idige emi ke ete mi ɔŋwɔŋ ke esit; enye onyuŋ ada enye ayarare ŋkpɔ; emi mbufo enamde ntem emediɔk.

2 NDIDEM 16:3

Edi enye asaŋa ke usuŋ ndidem Israel, onyuŋ anam eyen esie ŋko ebe oduk ke ikaŋ, ekem ye mbubiam ido mme idut oro Jehovah ekemende efep ke iso nditɔ Israel ɔduɔk.

2 NDIDEM 17:15

Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.

2 NDIDEM 17:17

Mmɔ enyuŋ enam nditɔ-iren mmɔ ye nditɔ-iban mmɔ ebe eduk ke ikaŋ, enyuŋ ebre idiɔŋ ye mfa, enyuŋ enyam idem mmɔ ndinam idiɔk ke iso Jehovah, enyuŋ eyat enye esit.

2 NDIDEM 21:6

Enye onyuŋ anam eyen esie ebe oduk ke ikaŋ, onyuŋ ebre idiɔŋ ikpa-enyɔŋ, ye idiɔŋ urukikɔt, onyuŋ onim mme ebre-idiɔŋ ekpo, ye mme ɔfiɔkŋpɔ owo: enye awak ndinam se idiɔkde ke iso Jehovah, onyuŋ ayat enye esit,

2 NDIDEM 23:24

Ndien ŋko Josiah onyuŋ osobo mme ebre idiɔŋ ekpo owo, ye mbon idiɔk ifiɔk, ye mme teraphim, ye mme nsu-nsu abasi, ye kpukpru mbubiam ŋkpɔ eke ekutde ke idut Judah ye ke Jerusalem, kpaŋ enye ekpenam ikɔ mbet emi ewetde ke ŋwed emi Hilkiah oku ɔkɔfiɔhɔde ke ufɔk Jehovah.

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

2 CHRONICLES 28:3

Enye onyuŋ ɔfɔp uwa ke itihere eyen Hinnom, onyuŋ ɔfɔp nditɔ esie ke ikaŋ, ekem ye mbubiam ido mme idut oro Jehovah ekebinde ke iso nditɔ Israel efep.

2 CHRONICLES 33:6

Ndien enye onyuŋ anam nditɔ esie ebe eduk ke ikaŋ ke itihere eyen Hinnom, onyuŋ ebre idiɔŋ enyɔŋ, ye idiɔŋ urukikɔt, onyuŋ onim mme ebre-idiɔŋ ekpo owo, ye mme ɔfiɔk ŋkpɔ owo. Enye awak ndinam idiɔk ke iso Jehovah, onyuŋ ayat enye esit.

EXODUS 22:17

Edieke ete esinde ndida eyen nnɔ enye, yak enye abat okuk nte ekɔm-urua nditɔ-iban asaŋade.

EXODUS 22:18

Kuyak ebre-idiɔŋ aŋwan odu uwem.

ISAIAH 47:13

Uwak uduak fo esin fi akpa mba. Yak mmɔ eke ebaharede ikpa-enyɔŋ, ye mmɔ eke esede ntantafiɔŋ, ye mmɔ eke edade mbufa ɔfiɔŋ esiak ŋkpɔ, edaha eda, enyuŋ enyaŋa fi esio ke ŋkpɔ eke edisimde fi.

JEREMIAH 27:10

koro mmɔ etiŋde nsu-nsu o-prophecy enɔ mbufo, man esin mbufo edaŋa ekpɔŋ mme obio mbufo anyan ebiet, man ami nnyuŋ mbin mbufo mfep, mbufo enyuŋ etak.

JEREMIAH 27:9

Mbufo ekukop ndien mme prophet mbufo ye mbia-idiɔŋ mbufo, ye mme adaba ndap mbufo, ye mbia-inuen mbufo, ye mme nsaŋa ekpo mbufo, emi edɔhɔde mbufo, ete, Mbufo idikabakare idi ikɔt edidem Babylon:

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JEREMIAH 7:31

Mmɔ ema enyuŋ ebɔp ŋkokoŋo ebiet o-Topheth emi odude ke itihere eyen Hinnom, enyuŋ efɔp nditɔ-iren mmɔ ye nditɔ-iban mmɔ ke ikaŋ; emi mme -ŋkowukke mmɔ, mikonyuŋ idukke mi ke esit.

LEVITICUS 19:26

Mbufo ekuta unam ye iyip esie: ekutiene idiɔŋ, ekunyuŋ enam ibɔk.

LEVITICUS 19:31

Mbufo ekukabare etiene ekpo, ekunyuŋ ebup mbia-idiɔŋ, mbak mmɔ edisabare mbufo: ami ndi Jehovah Abasi mbufo.

LEVITICUS 20:6

Ndien ŋko ama edi ukpɔŋ eke akabarede etiene ekpo, ye mbia-idiɔŋ, onyuŋ etienede mmɔ anam use, nyewuk iso mi nse ukpɔŋ oro, nnyuŋ nsibe enye ke otu mbio-obio mmɔ mfep.

MICAH 5:12

nnyuŋ nsibe fi idiɔŋ ke ubɔk mfep; ndien afo udunyeneke aba mbia-mfa:

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

UTOM MME APOSTLE 19:19

Ndien ediwak mmɔ emi ekam ebrede idiɔŋ etaŋ ŋwed mmɔ edi edifɔp ke iso kpukpru owo; enyuŋ ebat ekɔm-urua mmɔ ekut ete ɔwɔrɔ thousand pounds kiet ye ikie itiaita.

UTOM MME APOSTLE 8:9

Edi owo kiet odu do, emi ekerede Simon, emi ekebemde iso ebre idiɔŋ ke obio, anam idem akpa mbon Samaria, owut idem nte akwa owo:

ŊWED MBON GALATIA 5:20

ye obukpo ido, ye erikpono-ndem, ye eribre-idiɔŋ, ye usua, ye utɔk, ye ufup, ye iyaresit, ye ndomo-idem,

DEUTERONOMY 12:31

Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.

1 SAMUEL 15:23

Koro emiom ebietde idiɔŋ, itun onyuŋ ebiet idiɔk ido ye mkpono-idem. Koro afo emesin uyo Jehovah, enye ŋko esin fi idaha edidem.

1 SAMUEL 28:3

Ndien Samuel ama akakpa, ofuri Israel ema enyuŋ etuaŋa enye, enyuŋ ebuk enye ke Ramah, ke obio esie. Saul ama okonyuŋ ebin mmɔ eke enyenede nsaŋa ekpo, ye mbia-idiɔŋ, ke isɔŋ efep.

1 SAMUEL 28:7

Ndien Saul ɔdɔhɔ ikɔt esie, ete, Mbufo eyom ŋwan eke enyenede nsaŋa ekpo, enɔ mi, man ŋka ke ɔtɔ esie ŋkobup enye. Ndien ikɔt esie edɔhɔ enye, ete, Sese, ŋwan kiet emi enyenede nsaŋa ekpo odu ke En-dor.

1 SAMUEL 28:8

Ndien Saul oforo owo efen, onyuŋ esine edisine-ŋkpɔ efen, onyuŋ ada owo iba aka, ndien mmɔ esim ɔtɔ ŋwan oro ke okoneyo: ndien enye ɔdɔhɔ ete, Mbɔk, da nsaŋa ekpo bre ɔnɔ mi, nyuŋ nam owo eke ndidɔhɔde fi ɔdɔk nɔ mi.

1 SAMUEL 28:9

Ndien ŋwan oro ɔdɔhɔ enye, ete, Sese, afo ɔmɔfiɔk se Saul akanamde, nte enye okosibede mme nsaŋa ekpo, ye mbia-idiɔŋ ke isɔŋ efep: afo anam didie, ndien, ɔkɔk afia ɔnɔ uwem mi ete owot mi?