DEUTERONOMY 17:9 - Edisana ñwed Abasi Ibom

⁹ nyuŋ tiene mme oku, mme Levite, ye ebierikpe emi edidude ke usen oro, nyuŋ bup; ndien mmɔ eyesian fi ikɔ eke ebaŋade ikpe oro:

DEUTERONOMY 17:9 ပူးပေါင်းရင်းမြစ်များ

1 CHRONICLES 26:29

Eke mme Izharite, enim Chenaniah ye nditɔ esie enɔ utom ke Israel, utom eke miduhe ke esit ufɔk Abasi, utom uwet ŋwed ye eke mme ekpe ikpe.

EXODUS 18:16

Adaŋemi mmɔ enyenede ikɔ, mmɔ ebine mi; ami nnyuŋ ŋkpe ikpe ke ufɔt owo ye mbɔhiduŋ esie, nnyuŋ nsian mme ewuhɔ Abasi ye mbet esiemɔ nnɔ mmɔ.

EXODUS 22:8

Edi mikwe inɔ oro, yak enyene ufɔk etiene mme ebierikpe, ediŋwɔŋɔ ete ke imɔ ikesinke ubɔk imɔ ke inyene mbɔhiduŋ imɔ.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

EZEKIEL 44:24

Ndien ama edi ikpe, yak mmɔ eda ke itie ubiere-ikɔ; enyuŋ eda ikpe mi ekpe enye; enyuŋ enim ibet mi ye mme ewuhɔ mi ke kpukpru mme esop mi; enyuŋ enim mme sabbath mi ke edisana.

HAGGAI 2:11

Ntem ke Jehovah mme udim ɔdɔhɔ, ete, Bup ndien mme oku ewuhɔ, ete,

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

ZECHARIAH 7:3

enyuŋ edɔhɔ mme oku emi edude ke ufɔk Jehovah mme udim, ye mme prophet ŋko, ete, Nte nyesuk ntua eyet ke ɔyɔhɔ ɔfiɔŋ ition, nnyuŋ ndianare idem mi mfep, nte ŋkanamde ediwak isua emi?

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

DEUTERONOMY 16:18

Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

DEUTERONOMY 17:10

ndien nam ke uyo ikɔ eke mmɔ ke ebiet emi Jehovah edimekde, edisian fi; nyuŋ kpeme ndinim kpukpru se mmɔ etemede fi:

DEUTERONOMY 21:5

ndien yak mme oku, nditɔ Levi, esaŋa ekpere: koro Jehovah Abasi fo ama emek mmɔ ndinam ŋkpɔ esie, nnyuŋ nda enyiŋ Jehovah ndiɔŋ owo; ndien kpukpru ikpe ye kpukpru ufene eyenyuŋ esaŋa ke uyo mmɔ:

DEUTERONOMY 25:1

KE adaŋemi ikɔ ediwɔrɔde ke otu owo, ndien mmɔ edi ikpe, man ekpe ikpe mmɔ yak ikpe asana owo eke enende, onyuŋ otip owo eke eduede.

DEUTERONOMY 33:10

Mmɔ eyeteme Jacob mme item fo, enyuŋ eteme Israel mbet fo: eyenim incense ke iso fo, enim ofuri edifɔp uwa ke itie-uwa fo.