DEUTERONOMY 17:7 - Edisana ñwed Abasi Ibom

⁷ Yak ubɔk mme ntiense ebem iso edoro enye ke idem ndiwot enye, ndien ubɔk kpukpru owo etiene. Ke ntre ke afo edisio idiɔk ido ke otu fo efep.

DEUTERONOMY 17:7 ပူးပေါင်းရင်းမြစ်များ

LEVITICUS 24:14

Da andisuŋi oro wɔrɔ ke edem nna, ndien yak kpukpru owo emi ekopde, eda ubɔk mmɔ edori enye ke ibuot, ndien yak ofuri esop etɔŋɔ enye ke itiat.

JOHN 8:7

Edi ke ini mmɔ eyirede ebup Enye, Enye eneŋere etie, onyuŋ ɔdɔhɔ mmɔ ete, Yak owo ke otu mbufo emi ananade idiɔk-ŋkpɔ ebem iso emen itiat ɔtɔ enye.

1 ŊWED CORINTH 5:13

Esio oburobut owo oro ke otu mbufo efep.

DEUTERONOMY 13:10

Nyuŋ tɔŋɔ enye ke itiat wot: koro enye okoyomde ndinuk fi mfep ŋkpɔŋ Jehovah Abasi fo, emi okosiode fi ke isɔŋ Egypt, ye ke ufɔk ufin efep.

DEUTERONOMY 13:5

Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 13:6

Ke adaŋemi eyen-uka, mme eyen-eren fo, mme eyen fo aŋwan, mme ŋwan ikpanesit fo, mme ufan fo emi etiede nte ukpɔŋ fo, edinukde fi ke ndibe-ndibe, ete, Yak nnyin ika ikanam ido mme abasi efen, eke afo, ye mme usɔ mikɔfiɔkke;

DEUTERONOMY 13:9

yak edi ubɔk fo ebem iso odoro enye, onyuŋ owot enye, ndien ubɔk kpukpru owo editiene.

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.

DEUTERONOMY 19:19

ndien mbufo enam enye, kpa nte enye ekerede ndinam eyen-ete esie.

DEUTERONOMY 21:21

Ndien yak kpukpru mbio-obio mmɔ etɔŋɔ enye ke itiat ewot. Ntem ke afo edisio idiɔk ke otu fo efep; ndien ofuri Israel eyekop, enyuŋ edikhe.

DEUTERONOMY 22:21

ndien yak mmɔ eda eyen-aŋwan ewɔŋɔ ke enyin-usuŋ ufɔk ete esie, mbio-obio mmɔ enyuŋ etɔŋɔ enye ke itiat ewot: koro enye ama anam ɔburɔbut ido ke Israel, ke erika owo ke ufɔk ete esie: ntre ke afo edisio idiɔk ido ke otu fo efep.

DEUTERONOMY 22:22

Ke adaŋemi ekutde owo nte okotde ŋwan eke enyenede ebe, mmɔ mbiba enyene ndikpa, eren eke okotde ŋwan oro, ye ŋwan ŋko ke ntre ke afo edisio idiɔk ido ke Israel efep.

DEUTERONOMY 22:24

mbufo emum mmɔ mbiba ewɔŋɔ ke inua-otop obio oro eketɔŋɔ mmɔ ke itiat ewot; eyen-aŋwan, koro enye mifiorike ke obio; ye eren oro, koro enye asabarede ŋwan mbɔhiduŋ esie: ntem ke afo edisio idiɔk ido ke otu fo efep.

DEUTERONOMY 24:7

Edieke edikutde owo eke oyipde owo ke otu nditɔ-ete esie, kpa nditɔ Israel, mme edinyuŋ onim enye ke ofin, mme anyanyam enye; inɔ oro enyene ndikpa; ke ntre ke afo edisio idiɔk ke otu fo efep.

JUDGES 20:13

Mbufo eyak ndien mbon oro, kpa mme oburobut owo oro edude ke Gibeah, man nnyin iwot mmɔ, inyuŋ ifimere idiɔk-ŋkpɔ ke Israel ifep. Edi nditɔ Benjamin inyimeke ndikop uyo nditɔ-ete mmɔ, nditɔ Israel: