DEUTERONOMY 17:19 - Edisana ñwed Abasi Ibom

¹⁹ ndien ŋwed oro eyedu enye ke ubɔk, enye onyuŋ okot ŋwed kpukpru usen uwem esie: kpaŋ enye ekpekpep ndibak Jehovah Abasi esie, nnyuŋ nnim kpukpru ikɔ ŋwed-mbet emi, ye mme ewuhɔ emi, man enye anam mmɔ:

DEUTERONOMY 17:19 ပူးပေါင်းရင်းမြစ်များ

2 NDIDEM 22:10

Shaphan andiwet ŋwed onyuŋ etiŋ ɔnɔ edidem, ete, Hilkiah oku ɔmɔnɔ mi ŋwed. Shaphan onyuŋ okot enye ke iso edidem.

ŊWED MME PSALM 1:2

Edi mbet Jehovah adat enye esit; enye onyuŋ osuk ekere mbet esie ke uwemeyo ye ke okoneyo.

JOHN 5:39

Mbufo eduŋɔre Ŋwed Abasi, koro mbufo esede ete mme imɔ imenyene nsinsi uwem ke esit; ndien edi enye edi ntiense ɔnɔ Mi.

DEUTERONOMY 11:18

Mbufo eda ndien ikɔ emi esin ke esit mbufo, ye ke ukpɔŋ mbufo, enyuŋ etebe mmɔ edian ke ubɔk mbufo nte idiɔŋɔ, yak mmɔ enyuŋ ena mbufo ke ufɔt enyin ke ŋkpɔ ɔkpɔ-iso.

DEUTERONOMY 4:10

usen oro afo akadade ke iso Jehovah Abasi fo ke Horeb, ke ini Jehovah ɔkɔdɔhɔde mi, ete, Bon mbio emi ɔtɔ kiet nɔ mi, ndien nyenam mmɔ ekop ikɔ mi, man mmɔ ekpep ndibak mi ofuri ini emi mmɔ edidude uwem ke isɔŋ oro, man mmɔ enyuŋ ekpep nditɔ mmɔ.

DEUTERONOMY 4:9

Edi kpeme idem fo, nyuŋ tim kpeme ukpɔŋ fo, man afo okufre ŋkpɔ emi enyin fo ekekutde, man mmɔ ekunyuŋ ewɔrɔ ke esit fo, ofuri ini uwem fo: ndien da mmɔ kpep nditɔ fo, ye nditɔ nditɔ fo:

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

JOSHUA 1:8

Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,