DEUTERONOMY 17:18 - Edisana ñwed Abasi Ibom

¹⁸ Ndien ama ekem ke adaŋemi enye editiede ke ebekpo ubɔŋ esie, yak enye akaŋa ŋwed-ibet emi ke idem esie esin ke ŋwed efen, asaŋa ye ŋwed emi odude ke iso mme oku, mme Levite:

DEUTERONOMY 17:18 ပူးပေါင်းရင်းမြစ်များ

1 NDIDEM 2:3

nyuŋ kpeme mme ewuhɔ Jehovah Abasi fo, nyuŋ saŋa ke usuŋ esie, nyuŋ kpeme mme ewuhɔ esie, ye mbet esie, ye mme item esie, ye ikɔ ntiense esie, kpa nte emi ewetde ke ŋwed ewuhɔ Moses, man afo ada ɔniɔŋ anam kpukpru se afo anamde, ke kpukpru ebiet eke afo akabarede aka;

2 NDIDEM 11:12

ekan edidem ekuk. Ndien enye ada eyen edidem ɔwɔrɔ, onyuŋ ayara enye anyanya ke ibuot, onyuŋ ɔnɔ enye ŋwed-ibet; ntre ke mmɔ enim enye ke edidem, enyuŋ eyet enye aran; ndien mmɔ ekwak ubɔk, ete, Yak edidem odu uwem.

2 NDIDEM 22:8

Ndien Hikiah akwa oku ɔdɔhɔ Shaphan andiwed ŋwed, ete, Mmokut ŋwed ibet ke ufɔk Jehovah. Hilkiah onyuŋ emen ŋwed oro ɔnɔ Shaphan, ndien enye okot.

2 CHRONICLES 34:15

Ndien Hilkiah ɔbɔrɔ Shaphan andiwet ŋwed, ete, Mmokut ŋwed ewuhɔ ke ufɔk Jehovah.

DEUTERONOMY 31:9

Ndien Moses ewet ŋwed mbet emi, onyuŋ emen enye ɔnɔ mme oku, nditɔ Levi, emi ebiomde ekebe ediomi Jehovah, onyuŋ ɔnɔ kpukpru mbiowo Israel.

JOSHUA 1:8

Kuyak ŋwed mbet emi ɔwɔrɔ ɔkpɔŋ inua fo; edi kere enye ke uwemeyo ye ke okoneyo, man afo ekpeme ndinam kpukpru se ewetde ke esit: koro ntem ke afo edikut unen ke usuŋ fo,