DEUTERONOMY 17:17 - Edisana ñwed Abasi Ibom

¹⁷ Enye okunyuŋ ɔdɔ ediwak iban, mbak esit esie edikabare: okunyuŋ ɔkɔ ediwak silver ye gold ke idem esie.

DEUTERONOMY 17:17 ပူးပေါင်းရင်းမြစ်များ

GENESIS 2:24

Mmɔdo owo edikpɔŋde ete esie ye eka esie edinyuŋ adiana ye ŋwan esiemɔ; ndien mmɔ eyekabare obuk kiet.

2 SAMUEL 12:11

Ntem ke Jehovah ɔdɔhɔ, ete, Sese, ami nyenam idiɔk-ŋkpɔ etibe ke ufɔk fo anam fi, nnyuŋ nda iban fo ke iso fo nnɔ mbɔhiduŋ fo, ndien enye eyekot iban fo ke iso utin emi.

2 SAMUEL 5:13

Ekem David ɔdɔ iban-esa ye iban efen eke etode Jerusalem, adaŋemi enye okotode ke Hebron edi: nditɔ-iren ye iban enyuŋ emana ŋko enɔ David.

1 NDIDEM 10:21

Ndien kpukpru uŋwɔŋ-ŋkpɔ edidem Solomon edi gold, kpukpru mkpoduoho ufɔk akai Lebanon enyuŋ edi ata eti gold: silver iduhe: ibatke enye ke baba ŋkpɔ kiet ke eyo Solomon.

1 NDIDEM 10:27

Ndien edidem anam silver odu ke Jerusalem nte itiat, onyuŋ anam cedar awak nte sycomore emi edude ke una-isɔŋ edem inyaŋ ke uwak.

1 CHRONICLES 14:3

Ekem David ɔdɔdiɔŋ ɔdɔ iban efen ke Jerusalem: David onyuŋ obon nditɔ-iren ye nditɔ-iba efen.

2 CHRONICLES 1:15

Ndien edidem anam silver ye gold etie nte itiat ke Jerusalem, onyuŋ anam cedar awak nte eto sycomore emi edude ke una-isɔŋ edem inyaŋ.

2 CHRONICLES 11:21

Rehoboam onyuŋ ama Maacah eyen Abasalom akan kpukpru iban esie, ye iban-esa esie: (koro enye ɔdɔde iban efureta, ye iban-esa ata; onyuŋ obon nditɔ-iren edip ye itiaita, ye nditɔ-iban ata.)

NEHEMIAH 13:26

Nte idige ŋkpɔ emi ekesin Solomon edidem Israel anam idiɔk ido? ndien baba edidem kiet eke ebietde enye ikoduhe ke otu ediwak mme idut, emi Abasi esie akamade enye, Abasi onyuŋ onim enye ke edidem ofuri Israel: edi isen iban oro enam kpa enye edue.

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

MME ŊKE 31:3

Kuda odudu fo unɔ iban, kunyuŋ uda usuŋ fo unɔ se ibiatde mbɔŋ.

MALACHI 2:15

Ndien nte Enye ikanamke kierakiet? Ndien spirit ɔsuhɔ ɔnɔ Enye. Ndien anam didie edi kiet oro? Enye okoyom ubon Abasi. Mbufo ekpeme ndien spirit mbufo, owo baba kiet okunyuŋ abiaŋa ŋwan uyen esiemɔ.

MATTHEW 13:22

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

MATTHEW 19:5

ŋko, Ke ntak emi owo eyekpɔŋ ete ye eka sie akadiana ye ŋwan esie, ndien mmɔ mbiba eyekabare edi obuk kiet.

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

1ŊWED TIMOTHY 6:9

Edi mmɔ eke eyomde ndidi mbon inyene eduɔ esine ke idomo ye afia ye ediwak ndisime ye idiɔk udɔŋ, eke edudide owo esuhɔre ke nditaha ye nsobo.