DEUTERONOMY 17:16 - Edisana ñwed Abasi Ibom

¹⁶ Edi yak enye okukɔ ediwak horse ke idem esie, okunyuŋ anam mbon emi afiak eka ke Egypt, man ekɔ ediwak horse: koro Jehovah ɔkɔdɔhɔde mbufo, ete, Mbufo ekufiak aba usuŋ oro.

DEUTERONOMY 17:16 ပူးပေါင်းရင်းမြစ်များ

2 SAMUEL 8:4

David onyuŋ ɔbɔ enye tɔsin mbon horse ye ikie itiaba, ye tɔsin mbon-ekɔŋ edip eke esaŋade ke ikpat: David onyuŋ okpok kpukpru mme horse chariot akpan osip, onyuŋ osio horse ikie ke otu mmɔ onim.

1 NDIDEM 1:5

Ndien Adonijah eyen Haggith emenere idem esie, ete, Ami nyeda ubɔŋ: enye onyuŋ otim chariot ye horse ɔnɔ idemesie, ye owo aba ye duop eke efeŋede enye ke iso.

1 NDIDEM 4:26

Solomon onyuŋ enyene itie horse chariot esie tɔsin aba, ye tɔsin mbio horse duopeba.

1 NDIDEM 5:6

Wuk ndien, ete, ekpeŋe cedar ke Lebanon enɔ mi: ndien ikɔt mi eyetiene ikɔt fo; nyenyuŋ nɔ fi ofuri utip ikɔt fo, nte afo edisiakde: koro afo ɔfiɔkde ete ke owo eke ɔfiɔkde ndikpeŋe eto nte mbon Zidon, iduhe ke otu nnyin.

2 CHRONICLES 1:16

Ndien ama edi edida horse ke Egypt nsɔk Solomon, udim mbon-urua edidem ekam ebɔ udim horse ke ekɔm-urua.

2 CHRONICLES 9:25

Solomon onyuŋ enyene tɔsin ufɔk horse ye chariot ke itie inaŋ, ye tɔsin mbon horse duopeba; ndien enye onim ubak mmɔ ke mme obio chariot, ye ubak ke Jerusalem ke ɔtɔ edidem.

ŊWED MME PSALM 20:7

Ndusuk ebure ke chariot, ndusuk ke horse: edi nnyin iyebure ke enyiŋ Jehovah Abasi nnyin.

EXODUS 13:17

Ekem adaŋemi Pharaoh akayakde mbio oro eka, Abasi idaha mmɔ usuŋ edem mme Philistine, okposuk edieke enye ekperede; koro Abasi ɔdɔhɔde, ete, Mbak mmɔ editua mkpɔfiɔk adaŋemi edikutde ekɔŋ, ndien efiak ke Egypt.

EXODUS 13:18

Edi Abasi ada mbio oro akabare ke usuŋ wilderness Ididuot Inyaŋ. Ndien nditɔ Israel etim idem eto ke isɔŋ Egypt edɔk.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

ISAIAH 2:7

Silver ye gold enyuŋ eyɔhɔ ke isɔŋ mmɔ, chariot mmɔ inyuŋ inyeneke utit.

JEREMIAH 42:19

Jehovah ɔmɔdɔhɔ abaŋa mbufo, nditɔ Judah emi esuhɔde, ete, Mbufo ekuka Egypt: mbufo etim efiɔk ete ke nteme mbufo mfin emi.

EZEKIEL 17:15

Ndien enye ɔsɔŋ ibuot ye enye, onyuŋ ɔdɔŋ mme isuŋ esie utom ke Egypt, ete enɔ imɔ horse ye ediwak owo. Nte enye eyekut unen? Nte owo eke anamde ŋkpɔ emi eyebɔhɔ? Nte owo eyebiat ediomi, ndien ɔbɔhɔ?

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

MICAH 5:10

Jehovah onyuŋ ɔdɔhɔ, ete, Ndien ama ekem ke usen oro, nyesibe mme horse fo mfep ke otu fo, nye-nyuŋ nsobo mme chariot fo mfep:

DEUTERONOMY 28:68

Ndien Jehovah eyenam fi afiak ke Egypt ke ubom mbakara ke usuŋ emi ŋkɔdɔhɔde fi mbaŋa, nte, Ke udukwe aba enye: ndien do ke edinyam mbufo enɔ mme asua mbufo ke ifin iren ye ifin iban, ndien owo eke edepde ididuhe.

1 SAMUEL 8:11

Ndien enye ɔdɔhɔ ete, Emi eyedi ido edidem emi edikarade mbufo: enye eyeda nditɔ-iren mbufo ke idem esie, onim ke mbon chariot esie, ye mbon horse esie; mmɔ eyenyuŋ ebem chariot esie iso efeŋe itɔk.