DEUTERONOMY 17:12 - Edisana ñwed Abasi Ibom

¹² Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.

DEUTERONOMY 17:12 ပူးပေါင်းရင်းမြစ်များ

EZRA 10:8

ndien iyedia kpukpru inyene owo ekededi eke mididige ke usen ita, ke item mbɔŋ ye eke mbiowo, inyuŋ idianare enye ifep ke esop mbon ntaŋmfep.

ŊWED MME PSALM 19:13

Mum owo fo kama, mbak ŋkoi-nnam; kuyak mmɔ ekan mi: ndien nyefɔn mma, nnyuŋ nsana mbɔhɔ ikpɔ mme idiɔk ido.

MME ŊKE 21:11

Ke ediade asak-nsahi isop, ɔkɔi eyenyene ibuot: ndien ke etemede enyene-ibuot owo, enye amana ɔfiɔk ŋkpɔ.

HOSEA 4:4

Edi owo okutɔhɔ, okunyuŋ asua ɔnɔ owo: koro oruk fo ebietde mmɔ eke etɔhɔde ye oku.

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

NUMBERS 15:30

Edi ama edi owo eke okoide koi anam ŋkpɔ ke ibak, edide amana ke isɔŋ, onyuŋ edide esen owo, enye esuene Jehovah, ndien yak esibe owo oro ke mbio-obio mmɔ efep.

NUMBERS 15:31

Koro enye ekesinde ikɔ Jehovah ke ndek, onyuŋ abiatde ewuhɔ esie, yak mmɔ ekutre ndisibe owo oro mfep; idiɔk ido esie eyebiomo enye.

MATTHEW 10:14

Owo ekededi eke minyimeke ndidara mbufo, nnyuŋ ŋkop ikɔ mbufo, ke ini mbufo ewɔŋɔde ke ufɔk me ke obio oro, ekeŋ ntan ikpat mbufo eduɔk.

LUKE 10:16

Owo eke okopde uyo mbufo okop uyo Mi; owo eke onyuŋ esinde mbufo esin Mi; owo eke esinde mi onyuŋ esin Enye emi ɔkɔdɔŋde Mi.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

JOHN 20:23

Ebɔ Edisana Spirit: owo ekededi eke mbufo efende mme idiɔk-ŋkpɔ, emefen mmɔ mme idiɔŋ-ŋkpɔ mmɔ; owo ekededi eke mbufo emumde mme idiɔk-ŋkpɔ enim, emum mme idiɔk-ŋkpɔ mmɔ enim.

1 ŊWED CORINTH 5:13

Esio oburobut owo oro ke otu mbufo efep.

DEUTERONOMY 1:43

mbak mbufo edisuana ke iso mme asua mbufo. Ami nnyuŋ ndɔhɔ ye mbufo; ndien mbufo inyimeke ndikop, edi eneni uyo Jehovah, enyuŋ ebumere edɔk obot.

DEUTERONOMY 10:8

Ke ini oro Jehovah adianare esien Levi, ete ebiom ekebe ediomi Jehovah, enyuŋ eda ke iso Jehovah, ndinam ŋkpɔ esie, nnyuŋ nda enyiŋ esie ndiɔŋ, tutu osim mfin emi.

DEUTERONOMY 13:11

Ndien ofuri Israel eyekop, enyuŋ edikhe, ndien mmɔ idinamke aba idiɔk ido emi ke otu mbufo.

DEUTERONOMY 13:5

Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 13:6

Ke adaŋemi eyen-uka, mme eyen-eren fo, mme eyen fo aŋwan, mme ŋwan ikpanesit fo, mme ufan fo emi etiede nte ukpɔŋ fo, edinukde fi ke ndibe-ndibe, ete, Yak nnyin ika ikanam ido mme abasi efen, eke afo, ye mme usɔ mikɔfiɔkke;

DEUTERONOMY 17:13

Ndien kpukpru owo eyekop, enyuŋ edikhe enyuŋ etre ndinam ŋkpɔ isa-isa.

DEUTERONOMY 17:7

Yak ubɔk mme ntiense ebem iso edoro enye ke idem ndiwot enye, ndien ubɔk kpukpru owo etiene. Ke ntre ke afo edisio idiɔk ido ke otu fo efep.

DEUTERONOMY 18:20

Edi ama edi prophet eke edisɔŋde ibuot ada ikɔ eke mmeŋketemeke enye nte ɔdɔhɔ, ɔdɔhɔ ke enyiŋ mi, ye eke ɔdɔhɔde ikɔ ke enyiŋ mme abasi efen, yak ewot kpa prophet oro.

DEUTERONOMY 18:5

Koro Jehovah Abasi fo ama emek enye osio ke ofuri mme esien fo, ndida nnam ŋkpɔ ke enyiŋ Jehovah, enye ye nditɔ-iren esie ke nsinsi.

DEUTERONOMY 18:7

onyuŋ anam ŋkpɔ ke enyiŋ Jehovah Abasi esie, kpa nte kpukpru nditɔ-ete esie mme Levite, emi ekam edade do ke iso Jehovah;

1 ŊWED THESSALONICA 4:2

Koro mbufo efiɔk mme item eke nnyin ikɔnɔde mbufo ke enyiŋ Ɔbɔŋ Jesus.

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

1ŊWED TIMOTHY 5:20

Mmɔ emi enamde idiɔk-ŋkpɔ, sua nɔ mmɔ ke iso kpukpru owo, man mmɔ eken efehe ndik.

JOSHUA 1:18

Kpukpru owo eke edimiomde uyo fo, midinyuŋ ikopke ikɔ fo, ke kpukpru se afo editemede mmɔ, eyekpaŋa: edi kam sɔŋ ubɔk nyuŋ sɔŋ esit.

JUDGES 20:13

Mbufo eyak ndien mbon oro, kpa mme oburobut owo oro edude ke Gibeah, man nnyin iwot mmɔ, inyuŋ ifimere idiɔk-ŋkpɔ ke Israel ifep. Edi nditɔ Benjamin inyimeke ndikop uyo nditɔ-ete mmɔ, nditɔ Israel:

1 SAMUEL 3:13

Ŋkɔm mma ntiŋ nnɔ enye, nte ke ami ndinam ikɔ ye ufɔk esie tutu amama, mbaŋa mme oburobut ido emi enye ɔfiɔkde: emi nditɔ esie esinde idem mmɔ edi ŋkpɔ isuŋi, ndien enye mikakpanke mmɔ.