DEUTERONOMY 16:6 - Edisana ñwed Abasi Ibom

⁶ ibɔhɔke ke ebiet emi Jehovah Abasi fo edimekde ndinim enyiŋ esiemɔ, do ke afo ediwot passover oro ke mbubreyo, ke eyo okutde, kpa ke ekem ini emi afo okotode ke Egypt.

DEUTERONOMY 16:6 ပူးပေါင်းရင်းမြစ်များ

EXODUS 20:24

Afo edinam itie-uwa ke ntan-isɔŋ ɔnɔ mi, onyuŋ ada edifɔp uwa fo, ye uwa emem fo, ye ŋkpri ufene fo, ye mme enaŋ fo awa ke esit. Ke kpukpru ebiet eke ndinamde owo eti enyiŋ mi, nyetiene fi do, nnyuŋ ndiɔŋ fi.

NUMBERS 9:11

Yak enim enye ke udiana-akpa ɔfiɔŋ, ke ɔyɔhɔ usen duopenaŋ, ke mbubreyo, yak mmɔ eta enye ye uyo eke leaven miduhe, ye ndot-ndot ikɔŋ.

NUMBERS 9:3

Ke ɔyɔhɔ usen ɔfiɔŋ emi duopenaŋ, ke mbubreyo, ke mbufo edinim enye ke ekemini esie nte kpukpru ido esie, ye kpukpru mme ewuhɔ esie esaŋade, ke mbufo edinim enye.

MATTHEW 26:20

Ndien ke mbubreyo Enye ɔsuhɔre etetie ke itie-udia ye mbet Esie duopeba;

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 16:5

Kuwot passover ke baba obio fo kiet emi Jehovah Abasi fo ɔnɔde fi:

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.