DEUTERONOMY 16:18 - Edisana ñwed Abasi Ibom

¹⁸ Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

DEUTERONOMY 16:18 ပူးပေါင်းရင်းမြစ်များ

1 CHRONICLES 23:4

Tɔsin edip ye inaŋ ke otu mme mmɔ emi enyene nditiŋ enyin nse utom ufɔk Jehovah; tɔsin itiokiet enyuŋ edi mme ewet ŋwed ye mme ekpe ikpe:

1 CHRONICLES 26:29

Eke mme Izharite, enim Chenaniah ye nditɔ esie enɔ utom ke Israel, utom eke miduhe ke esit ufɔk Abasi, utom uwet ŋwed ye eke mme ekpe ikpe.

EZRA 7:25

Ndien afo Ezra, da ifiɔk Abasi fo emi odude fi ke idem, nim mme ebierikpe, ye mme ekpe-ikɔ eke edikpede ikɔ kpukpru owo emi edude ke edem akpa oko, kpa kpukpru owo eke efiɔkde mbet Abasi fo, ndien mbufo esian mmɔ eke mifiɔkke.

EXODUS 18:21

Afo nyuŋ mek mbon ikike ke otu kpukpru owo, owo eke ebakde Abasi, mbon akpanikɔ eke esuade ŋwo: nyuŋ dori mmɔ ete edi mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop.

EXODUS 21:22

Edieke owo eŋwanade eŋwan, enyuŋ enukde ŋwan idibi, ndien idibi ɔbuŋɔ enye, edi ŋkpɔ efen minamke enye: eyesio isop nte emi ebe ŋwan ɔkɔmde ɔnɔ enye; ndien ɔnɔ ke uyo mme ebierikpe.

EXODUS 21:6

ndien ete esie ada enye ɔsɔk mme ebierikpe; onyuŋ ada enye aka ke itim, mme obubɔk enyin-usuŋ; ndien ete esie ada utibi-ŋkpɔ otibi enye utɔŋ; ndien enye edidi ofin esie ke nsinsi.

MME ŊKE 31:23

Ediɔŋɔ ebe esie ke inua-otop, ke ini enye etiede ye mbiowo obio.

MATTHEW 5:21

Mbufo emokop ete, ekɔnɔ mbio eyo oko uyo, ete, Kuwot owo: edi owo ekededi eke owotde owo esesin idem ke ikpe:

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

DEUTERONOMY 16:17

edi kpukpru owo edi ye enɔ ke ubɔk, ekem ye ufɔn eke Jehovah Abasi fo ɔfɔnde fi.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.

DEUTERONOMY 17:9

nyuŋ tiene mme oku, mme Levite, ye ebierikpe emi edidude ke usen oro, nyuŋ bup; ndien mmɔ eyesian fi ikɔ eke ebaŋade ikpe oro:

DEUTERONOMY 21:2

ndien yak mbiowo fo ye mme ebierikpe fo ewɔrɔ, eka ekedomo esim obio eke ekande owo oro akpade afai ekuk.

DEUTERONOMY 25:1

KE adaŋemi ikɔ ediwɔrɔde ke otu owo, ndien mmɔ edi ikpe, man ekpe ikpe mmɔ yak ikpe asana owo eke enende, onyuŋ otip owo eke eduede.

1 SAMUEL 8:1

EDIKEM adaŋemi Samuel ɔsɔŋde, enye onim nditɔ esie ke mme ebierikpe Israel.